’ٹھگز آف ہندوستان‘ کا خواب پورا ہوا
بالی وڈ کی آنے والی فلم ’ٹھگز آف ہندوستان‘ میں فرنگی کا مرکزی کردار نبھانے والے اداکار عامر خان کا کہنا ہے کہ امیتابھ بچن کے ساتھ پوسٹر پر تصویر شائع ہونے کا ان کا خواب اب پورا ہوگیا ہے۔
مسٹر پرفیکشنسٹ عامر خان اور بالی وڈ شہنشاہ امیتابھ بچن پہلی بار ایک ساتھ فلم ’ٹھگز آف ہندوستان‘ میں جلوہ گر ہوں گے، جس کے لیے عامر خان سمیت تمام مداح پرجوش ہیں۔
فلم کی کاسٹ میں عامر خان اور امیتابھ بچن کے علاوہ کترینہ کیف اور فاطمہ ثناء شیخ بھی شامل ہیں۔
عامر خان نے حال ہی میں انسٹاگرام پر فلم کا ایک پوسٹر پیش کیا، جس میں فلم میں ان کا ‘فرنگی’ کا روپ بھی دیکھا جاسکتا ہے۔
اداکار نے لکھا، ’پوسٹر میں اپنے آپ کو امیتابھ بچن کے ساتھ دیکھنا ایسا ہی ہے جیسے کوئی خواب پورا ہوگیا ہو، مجھے ابھی تک یقین نہیں آ رہا۔’
گزشتہ روز کترینہ کیف نے مسٹر پرفیکشنسٹ کی فلم میں بطور ’فرنگی‘ پہلی جھلک بھی ایک موشن پوسٹر میں پیش کی تھی اور ساتھ میں لکھا تھا، ‘اس دیوالی، فرنگی سے بچ کر رہیے’۔
فلم ’ٹھگز آف ہندوستان‘ رواں برس کی سب سے بڑی بالی وڈ فلم ہے جس کا فلم بینوں کو بے صبری سے انتظار ہے۔
یہ فلم رواں برس دیوالی کے موقع پر 8 نومبر کو سینما گھروں کی زینت بنے گی۔
بشکریہ جیو نیوز۔
Facebook Comments - Accept Cookies to Enable FB Comments (See Footer).