شیطان پر لعنت


assem

وجاہت بھائی آداب۔ آپ نے پرسوں آرتھر کوئسلر کا ذکر کیا تو نیند نہیں آئی۔ صبح سویرے دفتر پہنچا تو اس کی کچھ سطریں دماغ میں گونج رہی تھیں۔ پھر یہ واقعہ ۔۔۔ ہو گیا۔ بس ویسے ہی (عاصم بخشی )

ایوانوف نے اپنے لئے ایک اور جام بھرتے ہوئے دہرایا۔ ’’پرانے وقتوں میں حرص حیوانی نوعیت کی ہوتی تھی۔ اب اس کی نوعیت خالص استدلال کی ہے۔ اقدار بدلتی رہتی ہیں۔ میں ایک ایسا جذباتی ناٹک لکھنا چاہتا ہوں جس میں خدا اور شیطان دونوں سینٹ روباشوف کی روح کے حصول کی خاطر برسرِ پیکار ہوں۔ گناہ کی ایک طویل زندگی کے بعد وہ بالآخر اپنا منہ خدا کی جانب موڑ لے، ایک ہاتھ میں سرمایہ دارانہ لبرلزم اور دوسرے ہاتھ میں تبلیغی جتھوں کی خیرات لئے دہری ٹھوڑی والا فربہ خدا۔

دوسری طرف شیطان، ایک لاغر زاہدانہ وجود، منطق کا ایک متشدد پجاری۔ مکیاولی، لویولا کے اغناطیوس، مارکس اور ہیگل کا عالم۔ ایک خاص قسم کے ریاضیاتی رحم کے باعث انسانیت کے لئے سردمہر اور نامہربان۔ ایک ابدی لعین جسے ہمیشہ وہی کرنا پڑے جس سے اسے نفرت ہے: قتل ختم کرنے کے لئے قتل عام کرنا پڑے، بھیڑ بکریوں کی بھینٹ اس لئے چڑھانی پڑے کہ مزید بھیڑیں ذبح نہ ہوں، لوگوں کو تازیانوں سے بچنے کی تعلیم دینے کے لئے ان کی پیٹھوں پر آہنی درے لگانے پڑیں، ایک آفاقی صداقت پسندی کے نام پر ان سے تمام سچائیاں چھین لینی پڑیں اور KOESTLERانسانیت کی محبت کی خاطر اس کی نفرت کو آواز دینی پڑے۔ ایک مجرد اور ہندسی محبت کرنے والا شیطان۔
_________________________________
(آرتھر کوئسلر، نصف النہار کی سیاہی، ترجمہ: عاصم بخشی )


Comments

FB Login Required - comments

عاصم بخشی

عاصم بخشی ایک قدامت پسند دیسی لبرل ہیں۔ پیشے کے لحاظ سے انجینئرنگ کی تدریس سے وابستہ ہیں۔ فلسفہ، ترجمہ اور کچھ بظاہر ناممکن پلوں کی تعمیر ان کے سنجیدہ مشاغل ہیں۔ تنہائی میں اپنی منظوم ابہام گوئی پر واہ واہ کرتے نہیں تھکتے۔

aasembakhshi has 46 posts and counting.See all posts by aasembakhshi

5 thoughts on “شیطان پر لعنت

  • 21-01-2016 at 2:09 pm
    Permalink

    واہ بخشی صاحب ، کیسے کیسے نادر لوگ وجاہت صاحب نے اکھٹے کئے ہوئے ہیں اپنی سائٹ پر ، ذیشان ہاشم ، عاصم بخشی ، عدنان کاکڑ ………..

    آپ کی اس تحریر نے روح کو مسرت سے سرشار کر دیا – پلیز لکھتے رہئے اور اس اندھیر نگری میں علم کی شمع جلاتے رہئے …ڈھیروں محبتیں وجاہت اور آپ سب کے لئے

  • 21-01-2016 at 7:52 pm
    Permalink

    بہت شکریہ حسین صاحب۔ بہت نوازش۔ آپ کی محبت ہے جناب۔

  • 21-01-2016 at 11:29 pm
    Permalink

    شاندار !!!

  • 10-02-2016 at 12:04 am
    Permalink

    Love to read more and more

  • 21-02-2016 at 2:29 pm
    Permalink

    دلچسپ اقتباس ہے جو دو ایبستڑیکٹ تصورات پر پڑھنے والے کیلئے سوچ کے کئی در وا کر رہا ہے۔

Comments are closed.