وہ نایاب چائے جس کی چنائی صرف چاندنی راتوں میں ہوتی ہے


انڈیا میں ہمالیہ کی پہاڑی ڈھلوانوں پر کاشت کی جانے والی چائے کے دنیا کے پہلے بائیوڈائنیمک فارم کی کہانی جہاں صرف چاندنی راتوں میں چائے کی پتیاں چنی جاتی ہیں اوراس کی قیمت 1850 ڈالر فی کلو گرام ہے۔

چائے

’ہائی ٹی‘

انڈین ہمالیہ میں سطح سمندر سے 2200 میٹربلندی پر واقع ڈھلوانوں اور دنیا کے تیسری بلند ترین پہاڑ کی خنگچیندزوگا کے برف پوش چوٹیوں میں گھری دارجیلنگ کی یہ وادیاں انتہائی دلکش منظر پیش کرتی ہیں۔

جنگلی ہاتھی اور ٹائیگر وادی میں گھومتے ہیں اور پہاڑی ڈھلوانوں میں بودھوں کی خانقاہیں لٹکتی ہوئی محسوس ہوتی ہیں، لیکن دارجیلنگ کی شناخت یہاں کاشت ہونے والی زمرد کے رنگ جیسی سبز چائے ہے جسے ’چائے کی شیمپین‘ کہا جاتا ہے، اور یہ بین الاقوامی شہرت کی حامل ہے۔

دارجیلنگ میں چائے کی کاشت کے لیے 87 علاقے مشہور ہیں۔ لیکن آپ شہر سے 33 کلومیٹر جنوب کی طرف جائیں تو وہاں وکٹورین عہد کی ایک قدیم چائے کی فیکٹری ملے گی جو ایک نایاب قسم کی چائے تیار کرتی ہے۔

اسے سلور ٹپس اپیریل کہا جاتا ہے جسے مکرائبری سٹیٹ سے صرف ماہرین پورے چاند کی چاندنی راتوں میں چنتے ہیں۔ یہ ایک مہنگا کام ہے۔ سنہ 2014 میں یہ 1050 امریکی ڈالر فی کلو کے حساب سے فروخت ہوئی جس سے یہ انڈیا میں پیدا ہونے والی سب سے مہنگی چائے بن گئی۔

چائے

ستاروں پر لکھی گئی

مکرائبری فارم کا قیام سنہ 1859 میں عمل میں لایا گیا تھا اور کہا جاتا ہے کہ یہ دارجیلنگ کا قدیم ترین اور چائے کی کاشت کا دنیا کا پہلا بائیوڈائنیمک فارم ہے۔

دیگر فارموں کے برعکس یہاں کاشتکاری کا انحصار زمین، مٹی اور پودوں پر ہے، اور پھر مکرائبری آسمان کی طرف دیکھتا ہے۔ اور ایک آفاقی کیلنڈر کے حساب سے ان کے پتوں کی چنائی مارچ اور اکتوبر کے درمیان ہوتی ہے۔

مارچ کے وسط سے مئی تک پہلی صاف چاندنی رات کو، جب سمندر کی لہریں بلند ہوتی ہیں اور پودوں میں پانی کی سطح میں کمی واقع ہوتی، مکرائبری کے کسان یقین کر لیتے ہیں کہ ہوا میں آکسیجن کی زیادہ مقدار اور توانائی چائے کی نرم و ملائم پتیوں میں زیادہ ذائقہ پیدا کرتی ہیں۔

چنانچہ سورج کے غروب ہوتے ہی، یہاں کے مزدور ایک منفرد قسم کی روحانی تقریب جو کہ ایک رسم جیسی ہے میں شرکت کی تیاری کرتے ہیں۔

چائے

مذہبی رسم

سلور ٹپس امپیریل ایک سیزن میں صرف چار سے پانچ مرتبہ چنی جاتی ہے۔

ہر کاشت سے پہلے سینکڑوں کی تعداد میں مکرائبری کسان مغربی بنگال کے لباس میں فارم کی ڈھلوانوں پر غروب آفتاب کے وقت جمع ہوتے ہیں۔

ایک شخص ہاتھ سے ڈرم بجاتا ہے، خواتین رقص کرتی ہیں اور چاند کی روشنی میں اچھی قسمت اور تحفظ کے لیے ویدک مالائیں گاتی ہیں۔ دیگر افراد جانوروں کی چربی سے روشن کی گئی مشعلیں جلاتے ہیں، اس کا مقصد نہ صرف چننے والوں کے لیے روشنی کرنا بلکہ جنگلی تیندوؤں کو بھی دور بھگانے میں مدد کرنا ہے۔

چائے

پورے چاند کی روشنی میں چُنائی

رات آٹھ بجے جب چاند پوری طرح روشن ہوتا ہے، تقریباً 80 سے 100 خصوصی طور پر تربیت یافتہ پتیاں چننے والے پہاڑیوں کا رخ کرتے ہیں اور ہر پودے سے دو پتے اور ایک کلی کو چنتے ہیں اور اپنے سر کے ساتھ بندھی ہوئی ایک بڑی سے ٹوکری میں ڈالتے ہیں۔

اگر پتیوں پر سورج کی روشنی پڑ جاتے تو یہ سمجھا جاتا ہے کہ اس کی چائے کی خوشبو متاثر ہوتی ہے، چنانچہ یہ افراد نصف شب تک تمام پودوں سے چنائی مکمل کرتے ہیں تاکہ اگلی صبح سے پہلے ان کو چائے کی شکل دے دی جائے۔

سلور ٹپس امپیریل ٹی کے 50 کلوگرام مقدار کی تیار کے لیے 200 کلوگرام پتیاں درکار ہوتی ہیں، اور مزدور اس سے زیادہ کم ہی چن پاتے ہیں۔ خریدار زیادہ تر مارچ کے وسط اور مئی کے درمیان چاندنی راتوں میں چنی گئی پتیوں سے تیار چائے کے لیے زیادہ قیمت ادا کرتے ہیں جب پتے زیادہ چمک دار اور خوشبو دار ہوتے ہیں۔

چائے

رائل بلینڈ

سلور ٹپس امپیریل کی محدود پیداوار شاید کی بھاری قیمت کی وجہ ہو سکتی ہے لیکن مکرائبری کی جادوئی کشید کا آفاقی راز جاننا خاصا مشکل ہے۔

فارم مینیجر سنجے داس کے مطابق نیم ابال والی اولونگ چائے کو آم اور گلِ یاس کے ساتھ مکس کیا جاتا ہے تاکہ اس کو زیادہ عرصے تک قابل استعمال بنایا جا سکے، اور جیسے ہی آپ سب سنہری رنگ کے بلینڈ کی ایک چسکی لیتے ہیں آپ بالکل توانا محسوس کرتے ہیں۔

اس احساس کی بدولت سنہ 2014 میں برطانیہ، امریکہ اور جاپان میں خریدار 1850 ڈالر فی کلوگرام ادا کرنے پر مائل کیا ہے۔

حالیہ برسوں میں انڈین وزیر اعظم نریندر مودی نے ملکہ الزبیتھ دوئم کو بھی اس کا ایک پیکٹ بطور تحفہ دیا تھا۔ سنہ 2014 فیفا ورلڈ کپ کے دوران بھی اس کی فروخت ہوئی۔ اس کی محدود ورائٹی بین الاقوامی خریدار برطانیہ، امریکہ اور جاپان میں کاروباری افراد فوراً خرید لیتے ہیں۔

چائے

انڈین مالکان، خاندانی کاروبار

دارجیلنگ کے آس پاس کئی فارم سلور ٹپس امپریل کی محدود مقدار پیدا کرتے ہیں، لیکن مکرائبری کی چنائی صرف پورے چاند کی راتوں میں ہوتی ہے۔

یہ ملک کے ان چند ایک فارموں میں سے ہے جو کبھی برطانیہ کی ملکیت نہیں رہا جنگوں نے 19ویں صدی میں نوآبادیاتی طور پر چائے کی کاشت کا جال بچھایا تھا۔

159 سال قبل جی سی بنرجی نے دارجیلنگ میں ان پہاڑیوں پر چائے کی پہلی فیکٹری قائم کی تھی، آج مکرائبری کی نگرانی ان کی پڑپوتے راجا بنرجی کرتے ہیں۔ ان کا کہنا ہے کہ انھوں نے 1970 میں گھڑسواری کے دوران گرنے کے بعد اس فارم کو مکمل طور پر خودکفیل ادارہ بنانے کا ارادہ کر لیا تھا۔

چائے

مہنگی چائے، نامناسب زمین

جب برطانویوں نے 1800 کی دہائی کے بعد دارجیلنگ کو اپنا اہم نوآبادیاتی ریزارٹ اور چائے ک پیداوار کا مرکز بنایا تو انھوں نے اسے ’کوئن آف ہلز‘ یعنی ملکۂ کہسار کا نام دیا تھا۔

لیکن وہ علاقہ جو دنیا کی بہترین چائے پیدا کرتا ہے حیران کن طور پر وہاں اس کی کاشت کے لیے حالات موزوں نہیں تھے، بالخصوص مکرائبری اسٹیٹ کے آس پاس کے علاقوں میں۔

آسمان کو چھوتی ہمالیہ کی چوٹیوں کی ڈھلوانوں میں مکرائبری کے چائے کے باغات کی ڈھلوان دارجیلنگ کے علاقے میں سب سے زیادہ ہے۔ زمین کی سطح پر مٹی نہیں ٹھہرتی اور پتھروں پر جو تھوڑی بہت مٹی ہوتی ہے وہ جون سے ستمبر تک مون سون کے موسم میں بارشوں کے پانی کے ساتھ بہہ جاتی ہے۔

یہی وقت سلور ٹپس امپیریل کی چنائی کا ہوتا ہے چنانچہ بنرجی نے مکرائبری کے پودوں کے آس پاس مختلف قسم کے پودے اگائے۔ اس قسم کو ‘پرماکلچر ملچنگ سسٹم’ کہا جاتا ہے۔ آج 668 ہیکٹر اراضی کے صرف 33 فیصد حصے پر چائے کاشت ہوتی ہے جبکہ دیگر حصے میں درخت ہیں۔

چائے

ایک نئے دور کا آغاز

یہ کاروبار 159 سال سے ایک ہی خاندان میں ہے۔ اب مکرائبری اور اس کی مشہور سلور ٹپس امپریل ایک نیا دور کا آغاز کرنے والے ہیں۔ رواں سال کے آگاز میں بنرجی نے اعلان کیا تھا کہ 47 سال تک کمپنی کا چیئرمین رہنے کے بعد وہ اب اس عہدے سے الگ ہو رہے ہیں اور اپنے تمام حصص کمپنی کے 600 کے قریب ملازمین میں تقسیم کر دیں گے۔

ایسا محسوس ہوتا ہے کہ مکرائبری نے سلور ٹپس امپیریل کا اپنا آفاقی راز افشا کرنے کا فیصلہ کیا ہے۔ شاید اب اس کے مستقبل ان کے ہاتھوں میں ہے جو زمین پر اس کی حفاظت کرتے ہیں۔

۔


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32292 posts and counting.See all posts by british-broadcasting-corp