لوگ ثانیہ مرزا اور شعیب ملک کو دیکھ کے خوش کیوں نہیں ہوتے؟

شعیب ملک اور ثانیہ مرزا کی جانب سے اس اعلان کے بعد ان کی کئی تصاویر منظرعام پر آ چکی ہیں اور کئی بار انہیں تنقید کا نشانہ بھی بنایا گیا ہے مگر شعیب ملک اور ثانیہ مرزا کی تازہ ترین تصویر پر تو سوشل میڈیا صارفین آپے سے ہی باہر ہو گئے اور اخلاقیات سے عاری باتیں کرنے بھی گریز نہ کیا۔

یہ تصویر کسی تقریب کی ہے جس میں شعیب ملک اور ثانیہ مرزا کھانا کھانے میں مصروف ہیں جبکہ دوسری تصویر میں ثانیہ مرزا کسی بات پر کھلکھلا رہی ہیں اور شعیب ملک ان کی جانب دیکھنے میں مصروف ہیں اور جب یہ تصاویر سوشل میڈیا پر آئیں تو صارفین نے حیران کن طور پر تنقید شروع کر دی۔

.

ایک صارف نے لکھا ”شعیب بھائی افسوس ہے مجھے آپ پر اگر تصویر بنانی ہی ہے تو کم از کم اپنی بیوی کو کپڑے تو ڈھیلے پہنا دیں، وہ عورت ہو کر بے شرم ہے اور آپ مرد ہو کر غیرت مند نہیں ہو، دونوں کی جوڑی اچھی ہے۔“

ایک صارف نے کہا ”ایسی حالت میں کوئی بھی لڑکی سامنے آنے میں شرم محسوس کرتی ہے لیکن جب کوئی ہو ہی بے شرم تو پھر خیر ہے۔۔۔“

ایک صارف کا کہنا تھا ”اسے دیکھو تو، شرم آنی چاہئے، اوپر سے گندے طریقے سے ہنس کر ڈرا رہی ہے، خوفناک ثانیہ، پاکستان کی عزت کے بارے میں سوچنے کی توفیق نہیں ہے تو شعیب کی ہی سوچ لو۔“