#StudentsSolidarityMarch: پاکستان میں طلبا یکجہتی مارچ کی تصویری جھلکیاں
لاہور، کراچی، اسلام آباد اور پشاور سمیت پاکستان کے کم از کم 28 شہروں میں طلبا یکجہتی مارچ میں طالب علم اور نوجوان اپنے مطالبات کے حق میں نعرے بازی کرتے سڑکوں پر نکل آئے ہیں۔
احتجاج میں شریک نوجوانوں نے بینرز اور پلے کارڈز بھی اٹھا رکھے ہیں۔ یہاں اس مارچ کی چند تصویری جھلکیاں پیش کی جا رہی ہیں۔
کراچی میں طلبہ یکجہتی مارچ میں طلبا کے علاوہ سابق طلبا یونینز کے عہدیدار، انسانی حقوق کی تنظیموں کے کارکن اور مزدور رہنما بھی شامل ہوئے۔
پشاور میں طلبا یکجہتی مارچ پشاور پریس کلب سے شروع ہوا اور خیبر پختونخوا اسمبلی کے سامنے طلبا رہنماؤں نے شرکا سے خطاب کیا۔ اس ریلی میں مختلف طلبا تنظیموں کے علاوہ مزدور کسان پارٹی کے رہنماؤں نے بھی بڑی تعداد میں شرکت کی۔
طلبا تنظیموں نے اس موقع پر بلوچستان یونیورسٹی میں مبینہ طور پر پیش آنے والے جنسی ہراس کے واقعے اور وہاں طلبا کی تنظیم سازی پر عائد مکمل پابندی کے خلاف بھی احتجاج کیا۔
طلبا رہنماؤں نے تعلیم کی اہمیت پر زود دیتے ہوئے ملک میں طلبا کی تنظیموں پر عائد پابندی کی مخالفت کرتے ہوئے طلبا تنظیموں کی فوری بحالی کا مطالبہ بھی کیا۔
سکولوں، کالجوں، یونیورسٹیوں اور دیگر تعلیمی اداروں میں سہولیات کے فقدان کا موضوع بھی اس موقعہ پر ہوئی تقاریر کا اہم حصہ رہا۔
تعلیمی اداروں میں ہراس کیے جانے کے واقعات کی مذمت کے علاوہ ایسے واقعات کی روک تھام کے لیے بھی آواز بلند کی گئی۔
تعلیم مکمل کرنے کے بعد ملک میں باعزت روزگار کی فراہمی اور اس حوالے سے حکومتی ذمہ داری کے تعین کا مطالبہ بھی دہرایا گیا۔
تعلیمی بجٹ میں خاطر خواہ اضافے کا نہ ہونا اور گذشتہ ادوار میں بجٹ کٹوتیوں کی بھی مذمت کی گئی۔
کراچی میں ہوئی یکجہتی ریلی میں کراچی یونیورسٹی، این ای ڈی، داؤد انجنیئرنگ، سندھ جناح میڈیکل یونیورسٹی، وفاقی اردو یونیورسٹی سمیت درجن سے زائد جامعات کے طلبا و طالبات نے شرکت کی۔
۔
- خاتون فُٹ بال شائق کو گلے لگانے پر ایرانی گول کیپر پر 30 کروڑ تومان جُرمانہ عائد: ’یہ تاریخ میں گلے ملنے کا سب سے مہنگا واقعہ ثابت ہوا‘ - 24/04/2024
- ’مغوی‘ سعودی خاتون کراچی سے بازیاب، لوئر دیر سے تعلق رکھنے والا مبینہ ’اغوا کار‘ بھی زیرِ حراست: اسلام آباد پولیس - 24/04/2024
- جنوبی کوریا کے ’پہلے اور سب سے بڑے‘ سیکس فیسٹیول کی منسوخی: ’یہ میلہ خواتین کے لیے نہیں کیونکہ ٹکٹ خریدنے والے زیادہ تر مرد ہیں‘ - 24/04/2024
Facebook Comments - Accept Cookies to Enable FB Comments (See Footer).