سنہ 2018 کے آرمی فوٹوگرافی مقابلے کی بہترین تصاویر
ایک فوجی کے اوپر منڈلاتے ہیلی کاپیٹر کے دلکش منظر کو سنہ 2018 کے آرمی فوٹوگرافک کمپیٹیشن کی تمام تصاویر میں سے بہترین تصویر قرار دیا گیا ہے۔
اس تصویر کو ’گارڈین اینجل‘ کا عنوان دیا گیا جو فوجی فوٹوگرافر کورپورل ٹام ایونز نے بنائی تھی۔ انھیں گذشتہ 12 ماہ کے دوران فوجی زندگی کی بہترین عکاسی کرنے پر سال کے بہترین فوٹوگرافر بننے کا اعزاز بھی ملا ہے۔
ویلز کے قصبے بریکن میں مقیم ٹام ایونز کہتے ہیں کہ ’فوج میں فوٹوگرافر ہونا سب سے بہترین کام ہے۔‘
وہ کہتے ہیں کہ ’مجھے تمام فوج، ہر تجارت اور ہر کیپ بیج کے علاوہ انھیں دنیا بھر میں بہت سے شاندار اور مختلف مقامات پر کام کرتے دیکھنے کا موقع ملتا ہے۔ اس سے ہمیں ایک منفرد نکتہ نظر دیکھنے کو ملتا ہے۔’‘
اس مقابلے کے لیے دنیا بھر میں 1500 سے زائد تصاویر موصول ہوئیں۔ اس سالانہ مقابلے میں تمام فوجی اہلکار شرکت کر سکتے ہیں جو دنیا بھر میں فوجیوں کے کام اور کھیل کو کیمرے میں آنکھ میں محفوظ کرتے ہیں۔
کوروپول بیکی براؤن کو ان کی تصویر ’ایک سپاہی کی مسکراہٹ‘ پر بہترین پورٹریٹ (پروفیشنل کیٹیگری) کا ایوارڈ دیا گیا۔
بیکی براؤن کہتی ہیں کہ ’میں کابل میں آپریشن ٹورال کے لیے جنگی کیمرہ ٹیم کے ساتھ تعینات تھی۔‘
وہ کہتی ہیں کہ ’ہمارا کام وہاں مختلف کام کرتے ہوئے لوگوں کی فلمنگ اور فوٹوگرافی تھا تاکہ عام عوام کو وضاحت کر سکیں کہ ہمارے جوان وہاں کیا کر رہے ہیں۔‘
’میرے ساتھی ویلش گارڈز کے ایک اہلکار کا انٹرویو کر رہے تھے جبکہ میں اپنے پورٹریٹ شوٹ کی تیاری کر رہی تھی، چنانچہ میں نے ان میں سے ایک جوان اپنے شاٹ کے لیے بلایا۔ جب میں سیٹنگ کر رہی تھی اور اسے معلوم نہیں تھا کہ میں اس کی تصویر بنا رہی تھی۔ میں اس کی ایک عمدہ مسکراہٹ پکڑنے میں کامیاب رہی۔‘
وہ کہتی ہیں کہ ’میرے خیال میں بہت سے لوگ اس تاثر کو سمجھ سکتے ہیں۔ ہمارے جوان اپنی ملازمت سے واقعی لطف اندوز ہوتے ہیں جب وہ گھر سے دور اور میدان میں ہوتے ہیں۔‘
کوروپول بیکی براؤن نے ’سٹوری‘ (پروفیشنل کیٹیگری) کا ایوارڈ بھی حاصل کیا جو انھیں کینیا میں شہریوں کے لیے لگائے میڈیکل اور ڈینٹل کلینکس کی سلسلہ وار عکاسی پر دیا گیا۔
یہ کلینکس کینیا کی وزارت صحت، برطانوی فوج کے طبی عملے اور کینیا کی ڈیفینس میڈیکل سروسز اور کینین ریڈکراس کے رضاکاروں کے ساتھ اشراک سے قائم کیے گئے تھے۔
اس تصویر مقابلے کے فاتحین کا اعلان بدھ کو لندن کے امپیریل وار میوزیم میں منعقدہ تقریب میں کیا گیا۔
اس سال اس مقابلے ججز میں بی بی سی کے پکچر ایڈیٹر فلپ کومز اور پریس ایسوسی ایشن کے پکچر ایڈیٹر مارٹن کین تھے۔
اس مقابلے میں شامل چند دیگر بہترین منتخب تصاویر پیش ہیں۔
تمام تصاویر کے جملہ حقوق محفوظ ہیں۔
Facebook Comments - Accept Cookies to Enable FB Comments (See Footer).