دیپکا اور رنویر نے اپنی شادی کی تاریخوں کا اعلان ٹویٹر پر کیا
کئی ماہ کی قیاس آرائیوں کے بعد آخر کار بالی وڈ سٹارز دیپکا پاڈوکون اور رنویر سنگھ نے سوشل میڈیا پر تصدیق کی ہے کہ دونوں 14 اور 15 نومبر کو شادی کر رہے ہیں۔
دونوں نے اتوار کے روز ٹویٹر پر شادی کی تاریخ طے پانے کا اعلان کیا۔ تاہم ابھی شادی کی جگہ کا اعلان نہیں کیا گیا۔
گذشتہ کئی ماہ سے قیاس آرائیاں تھیں کہ کیا دونوں شادی کریں گے یا نہیں۔
دیپکا اور رنویر ایک دوسرے کے قریب فلم رام لیلا کے سیٹ پر آئے۔ اگرچہ دونوں ایک دوسرے کے ساتھ کئی موقعوں پر نظر آئے لیکن دونوں ہی اس حوالے سے کچھ کہنتے ہوئے کتراتے تھے۔
رنویر اور دیپکا کے بالی وڈ کے دوستوں نے ان کو ٹویٹر پر مبارکباد دی۔
ان دونوں کی شادی کے حوالے سے قیاس آڑائیوں کو مزید ہوا اس وقت ملی جب دونوں اکٹھے اٹلی میں دیکھے گئے۔ افواہیں گردش کرنے لگیں کہ دونوں شادی کی جگہ دیکھنے کے لیے اٹلی گئے ہوئے ہیں۔
حال ہی میں انڈیا میں ایک تقریب کے دوران جب شادی کے بارے میں پوچھا گیا تو رنویر سنگھ نے کہا کہ جب شادی کی تاریخ طے ہو گی تو سب کو معلوم چل جائے گا۔
’ہر روز اس حوالے سے خبریں آ رہی ہیں جن میں یہ بھی بتایا گیا ہے کہ میں کس رنگ کی شیروانی پہنوں گا۔ لیکن جب کچھ ہو گا تو ضرور بتاؤں گا۔‘
دوسری جانب دیپکا نے فلم ’بینڈ باجا بارات‘ کے بعد رنویر کے بارے میں جو پہلی شبیہ بنی اس کے بارے میں بات کرتے ہوئے کہا کہ ان کی ایجنٹ کو یقین تھا کہ رنویر ایک سٹار بنے گا لیکن ’میرا ایسا خیال نہیں تھا‘۔
دیپکا نے مزید بتایا ’مجھے یاد ہے کہ میں نے کہا کہ یہ میرے ٹائپ پا نہیں ہے۔‘ اس پر تقریب میں موجود لوگ حیران ہو گئے۔
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
- دنیا کے دوسرے مصروف ترین دبئی ایئرپورٹ کی کہانی: ’یہاں حالات بدترین نہیں بلکہ خطرناک ہیں، ہمیں جانوروں کی طرح رکھا گیا ہے‘ - 18/04/2024
Facebook Comments - Accept Cookies to Enable FB Comments (See Footer).