فرانس کی بدنصیب ملکہ میری اینتونیت کے زیورات کی نیلامی
مشہورِ زمانہ فرانسیسی ملکہ میری انتونیت کے زیورات کی نیلامی ہو رہی ہے، جسے کسی بھی شاہی خاندان کے زیورات کی سب سے اہم نیلامی قرار دیا جا رہا ہے۔
اس بدنصیب ملکہ کے زیورات پچھلے دو سو سال سے منظرِ عام پر نہیں آئے تھے اور ان میں موتی اور ہیرے جڑے ہار، بالیاں اور دوسرے زیورات شامل ہیں۔
یہ زیورات اٹلی کا بوربن پارما ہاؤس فروخت کر رہا ہے اور اس کا انعقاد جمعرات کو سوئٹزرلینڈ کے شہر جنیوا میں ہو گا۔
نیلامی کا اہتمام مشہور نیلام گھر سدبیز نے کیا ہے اور اس نے انھیں ‘فروخت کے لیے پیش ہونے والے اہم ترین شاہی زیورات’ قرار دیا ہے۔
نیلامی میں شامل ایک موتی اور ہیروں جڑے ہار کی قیمت 20 لاکھ ڈالر مقرر کی گئی ہے۔
میری انتونیت کا تعلق آسٹریا سے تھا اور انھوں نے فرانس کے بادشاہ لوئی شازدہم سے شادی کی تھی۔
فرانسیسی انقلاب سے قبل ان کی پرتعیش زندگی کے افسانے آج بھی سنائے جاتے ہیں، جب کہ اس زمانے میں غریبوں کو دو وقت کی روٹی بھی مشکل سے نصیب ہوتی تھی۔
ان سے ایک فقرہ منسوب ہے: ‘لوگ بھوکے ہیں تو کیک کیوں نہ کھاتے؟’ تاہم اس کے کوئی تاریخی شواہد نہیں ملتے۔
انقلاب کے بعد انھوں نے اپنے زیورات آسٹریا منقل کر دیے، اور خود بھی ملک سے فرار ہونے کی کوشش کی لیکن اپنے خاوند اور بچوں سمیت پکڑی گئیں۔
فرانس کی آخری ملکہ کو 1793 میں 37 سال کی عمر میں گلوٹین کے گھاٹ اتار دیا گیا۔
- سمارٹ فون، جاسوسی کے سافٹ ویئر اور ’ایم کامل‘: اسرائیل کیسے لبنان میں گاڑیوں یا عمارت کے اندر موجود اپنے ہدف کی بھی نشاندہی کر لیتا ہے؟ - 29/03/2024
- اپنی تصویر، آواز اور نام دیں ’50 پاؤنڈ‘ لیں۔۔۔ چینی کمپنی کی انوکھی آفر سے بچنا ’مشکل‘ - 29/03/2024
- کینیڈا کا وہ جزیرہ جو دو ہزار زلزلوں کے باوجود محفوظ رہا - 29/03/2024
Facebook Comments - Accept Cookies to Enable FB Comments (See Footer).