خلا میں چھ ماہ گزارنے والے خلابازوں کی زمین پر کامیاب واپسی


\"khalabaz\"برطانیہ کے بریٹن ٹم پیک سمیت 3 خلا بازگزشتہ روز کامیابی سے زمین پراترآئے جنہوں نے انٹرنیشنل اسپیس اسٹیشن میں 6 ماہ تک قیام کیا ہے۔
غیرملکی خبررساں ادارے کے مطابق مدارمیں 186 دن گزارنے کے بعد تینوں خلابازوں بریٹن ٹم پیک،یوری مالن شینکوف اورٹم کوپرا کے کیپسول گزشتہ روز9 بج کر15 منٹ پر قازقستان کے جنوب مشرقی شہرزحزکزغان کے قریب زمین پراترے، میڈیکل کی ٹیم نے ان تینوں خلابازوں کوکیپسول سے باہرنکالا تواس وقت ان کے چہروں پرمسکراہٹیں تھیں۔ بریٹن ٹم پیک پہلے برطانوی ہیں جوخلائی اسٹیشن گئے تھے، ان کے ساتھ روس کے یوری مالن شینکوف اورناسا کے ٹم کوپرابھی خلا میں رہے۔
زمین پرقدم رکھتے ہی برطانیہ کے خلابازسابق ہیلی کاپٹرپائلٹ 44 سالہ بریٹن ٹم پیک نے کہا کہ یہ سفربہت دلچسپ تھا، میری زندگی کابہترین سفرجو شروع سے آخرتک انتہائی دلچسپ رہا، ان کا کہنا تھا کہ انٹرنیشنل خلائی اسٹیشن پرزمین کاسیارہ مسلسل قابل دید تھا۔ ناسا کے خلابازٹم کوپرانے کہا کہ زمین پرواپسی کاسفرحیرت انگیزرہاجب کہ ان کے تیسرے ساتھی روس کے یوری مالن شینکوف نے خلائی اسٹیشن پر 827 دن گزارے۔


Facebook Comments - Accept Cookies to Enable FB Comments (See Footer).

Subscribe
Notify of
guest
0 Comments (Email address is not required)
Inline Feedbacks
View all comments