خاتون اول بشریٰ بی بی نے سیاست کے میدان میں اترنے کا فیصلہ کر لیا: ذرائع


 

باوثوق ذرائع کے مطابق خاتون اول بشریٰ بی بی نے سیاست میں داخل ہونے کا فیصلہ کر لیا ہے۔ روزنامہ خبریں کے مطابق وزیراعظم عمران خان کی اہلیہ سیاسی میدان میں اترنے کے لئے تیار ہوگئی ہیں اور انہوں نے پارٹی معاملات میں عمران خان کی مدد کرنے کا فیصلہ کرلیا ہے۔

بشریٰ بی بی نے حکومت کے بجائے پارٹی معاملات پر زیادہ فوکس کرنے کا باقاعدہ فیصلہ کیا ہے۔ وہ خود تحریک انصاف کی نئی تنظیم سازی کے معاملات کی نگرانی کریں گی۔ بشریٰ بی بی کے مطابق آئندہ پارٹی میں متحرک اور قربانیاں دینے والے لوگوں کو ہی صوبے اور اضلاع میں عہدے دئیے جائیں گے۔

ذرائع کے مطابق بشریٰ بی بی ان تمام ایشوز پر پنجاب سمیت دیگر صوبوں میں متحرک کارکنوں کے بارے میں معلومات اکٹھی کر رہی ہیں۔ واضح رہے کہ خاتون اول کا اس وقت تمام فوکس سماجی کاموں پر ہے۔

 

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں