کراچی آپریشن پر ایم کیو ایم کے تحفظات دور کریں گے : چوہدری نثار


\"chوفاقی وزیر داخلہ چوہدری نثار علی خان نے ایم کیو ایم کے رہنماوں کو کراچی میں آپریشن کے حوالے سے ان کے تحفظات دور کرنے کی یقین دہانی کرادی ہے۔
اسلام آباد میں ایم کیو ایم کے وفد نے وفاقی وزیر داخلہ چوہدری نثار علی خان سے ملاقات کی، ایم کیو ایم کے وفد میں ڈاکٹر فاروق ستار،خالد مقبول صدیقی، رشید گوڈیل اور کنور نوید جمیل شامل تھے جب کہ اس موقع پر وزیر ریلوے خواجہ سعد رفیق بھی موجود تھے۔
ملاقات کے دوران ایم کیوایم نے کراچی میں جاری آپریشن، کارکنوں کی ماورائے قانون حراست اور لاپتہ افراد سے متعلق اپنے تحفظات سے آگاہ کیا۔ اس موقع پر رشید گوڈیل نے کہا کہ انہیں دن دیہاڑے قتل کرنے کی کوشش کی گئی لیکن اب تک ملزمان گرفتار نہیں کئے جاسکے اور پولیس کی جانب سے بھی تفتیش کے بارے میں کوئی آگاہی فراہم نہیں کی جارہی۔ وزیرداخلہ نے ایم کیوایم کے رہنما کے تحفظات سننے کے بعد انہیں حل کرنے کی یقین دہانی کرادی۔


Comments

'ہم سب' کا کمنٹس سے متفق ہونا ضروری نہیں ہے۔ کمنٹ کرنے والا فرد اپنے الفاظ کا مکمل طور پر ذمہ دار ہے اور اس کے کمنٹس کا 'ہم سب' کی انتظامیہ سے کوئی تعلق نہیں ہے۔