عمران حکومت کے 100 دن: ’ہم مصروف تھے‘ کے اشتہار پر گرما گرم بحث


پاکستان تحریک انصاف کی حکومت کے ابتدائی 100 روز پورے ہوگئے ہیں اور اس دن کی مناسبت سے حکومت کی جانب سے قومی اخبارات میں شائع ہونے والا ایک اشتہار اس وقت سوشل میڈیا پر موضوع بحث بنا ہوا ہے۔

اخبارات کے پہلے صفحے پر اشتہار میں 100 کے ہندسے کے نیچے ’ہم مصروف تھے‘ لکھا ہے اور اس کے نیچے بائیں کونے پر ’نئے پاکستان کے لیے ورق الٹیے‘ کے الفاظ درج ہیں۔

ورق الٹے پر قاری کے سامنے حکومت کی جانب سے اپنے ابتدائی 100 روز کی کارکردگی مختلف اخباری تراشوں کی شکل میں پیش کی گئی جس میں حکومت کی جانب سے کیے گئے اعلانات، وعدے اور نئے منصوبوں کی تعمیر کی خبریں شامل ہیں۔

یہ بھی پڑھیں!

عمران خان کے کفایت شعاری کے وعدے: کتنے پورے کتنے ادھورے؟

تحریکِ انصاف کی حکومت کے 100 دن، کیا کھویا کیا پایا

سو دن عمران خان کے، نئے پاکستان کے

بیوروکریسی عمران خان کی حکومت سے ناراض کیوں؟

جمعرات کو شائع ہونے والی اس اشتہار نے جلد ہی سوشل میڈیا صارفین کی توجہ حاصل کر لی اور ’ہم مصروف تھے‘ کے الفاظ ٹرینڈ کرنے لگے، اس کے علاوہ ’تبدیلی کے 100 دن‘ بھی پاکستان میں‌ ٹرینڈ‌ کر رہا ہے۔

’ہم مصروف تھے‘ میں بیشتر صارفین طنز و مزاح کی شکل میں پیغامات شیئر کر رہے ہیں جبکہ ’تبدیلی کے 100 دن‘ میں بظاہر پی ٹی آئی کے حامی حکومت کی کارکردگی کو سراہا رہے ہیں۔

https://twitter.com/SAF_Najum/status/1068101998883602433

علی فرحان نے لکھا کہ ’ہم پاکستانی جلد غصے میں آجانے والے اور آسانی سے بہک جانے والے ہیں۔ ہم سمجھے بغیر غصہ کر رہے ہیں، ‘ہم مصروف تھے۔’ عمران خان کی انتظامیہ کی بہترین بات یہ ہے کہ وہ 100 دنوں میں یہی کر سکتے تھے ‘مصروف رہیں، بہترین کوشش کریں، حل تلاش کریں۔‘

https://twitter.com/tayyabihsan/status/1068102930040008704

میاں طیب احسان نے حالیہ اشتہار اور ن لیگ کی گذشتہ حکومت کا ایک اشتہار شیئر کرتے ہوئے لکھا کہ ‘سر، اس طرح کے اشتہار کی کیا ضرورت تھی؟؟ پچھلے پانچ سال ن لیگ حکومت کو کوستے رہے آج وہی کام ہم کر رہے ہیں۔کیا فرق رہ گیا؟؟’

https://twitter.com/jagaadoh/status/1068102916806832128

عبدالرحمان خان نے کہا کہ ‘عزت مآب جناب عمران خان صاحب حکومت کی کارکردگی اخبارات میں چھپنے کی بجائے۔ زمین پر نظر آنی چاہیے۔’

راشد ہاشمی نے کچھ اس انداز میں اپنے خیالات کا اظہار کیا

https://twitter.com/RashidHashmis/status/1068100060335013888

ایک صارف علی کے خیال میں حکومت ’بھینسیں بیچنے میں مصروف تھی۔‘

https://twitter.com/Klashanfork/status/1068099809322643456

ایک صارف سرمد کیانی نے لکھا کہ ‘غلط بلکل غلط!! نہ ہم پٹواری ہیں اور نہ ہم جیالے یہ کام ن لیگی حکومت کرتی تھی عوام کے ٹیکسوں کا پیسہ کھلے عام اشتہاروں میں اُڑایا جاتا تھا بہت افسوس ہوا یہ اشتہارات اخباروں میں دیکھ کر حکومت نے وعدہ کیا تھا کہ ہم عوام کے ٹیکس کے پیسوں کی خود حفاظت کریں گے۔’

عاقل حمید نے لکھا کہ ’کارکردگی کا معیار اخباری تراشے – کیا ہی اچھا ہوتا کہ بیان مکمل دیا جاتا ’ہم مصروف تھے – یو ٹرن لینے میں۔‘‘

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 6404 posts and counting.See all posts by british-broadcasting-corp