انڈیا کے وزیراعظم نریندر مودی کی ارجنٹائن آمد پر آپو کی تصویر نشر کرنے پر تنازع
ارجنٹائن میں ایک ٹی وی چینل کو انڈین وزیراعظم نریندر مودی کو امریکی مشہور کارٹون سیریز سمپسنز کے کردار آپو کے طور پر پیش کرنے پر سخت تنقید کا سامنا ہے۔
جمعے کو جی 20 کے سربراہی اجلاس میں شرکت کے لیے انڈیا کے وزیراعظم نریندر مودی کا جہاز جب ارجنٹائن کے شہر بیونس آئرس کے ایئر پورٹ پر لینڈ کیا تو ٹی وی چینل کرونیکا نے اس خبر کو نشر کرتے ہوئے ہیڈ لائن لگائی’ آپو پہنچ گئے‘ اور اس کے ساتھ جہاز اور آپو کی تصویر کو جوڑ کر پیش کیا۔
اس بارے میں مزید پڑھیے
جی 20 اجلاس سعودی ولی عہد کے لیے بڑا سفارتی امتحان
’اردوغان نے پیاز کو دہشت گرد تنظیم قرار دے دیا‘
ٹی وی چینل کی جانب سے اس انداز میں خبر نشر کرنے پر سوشل میڈیا پر خاصی تنقید اور غصے کا اظہار کیا ہے اور بعض نے نسل پرستی پر مبنی فعل بھی قرار دیا ہے۔
1990 کی دہائی سے شروع ہونے والی مشہور کارٹون سیریز میں آپو کا کردار کا دکاندار کا ہے۔
https://twitter.com/Pat_Gillespie/status/1068287699407253510
انڈین نژاد امریکی کامک ہری کونڈابلو نے آپو کے کرادر کے بارے میں 2017 میں ایک دستاویزی فلم بنائی تھی جس میں دلائل دیے گئے تھے کہ آپو کے کردار کو نسل پرستی پر مبنی قدامت پسند رائے کی بنیاد پر بنایا گیا تھا۔
ہری کونڈابلو نے اس وقت بی بی سی کو بتایا تھا کہ اس کردار میں مسئلہ ہے کیونکہ آپو کو اس طرح دکھایا گیا ہے کہ ان کی خاندان کی مرضی سے کی گئی شادی ہے اور اس سے کئی بچے ہیں۔
تاہم دیگر افراد اس سے اتفاق نہیں کرتے اور ان کا کہنا ہے کہ سیریز کے تمام کردار سٹیریو ٹائپ ہی ہیں۔
ٹی وی چینل کرونیکا کی خبر پر ہری کونڈابلو نے ٹویٹ کی اور سوال کیا کہ’ یہ سچ نہیں ہو سکتا۔۔۔ ٹھیک؟۔
https://twitter.com/harikondabolu/status/1068525246926356482
دوسری نے کہا کہ ایسا موازانہ کرنا غیر ملکی رہنما کی توہین ہے۔
https://twitter.com/JayantBhushan1/status/1068500629524500480
جی 20 کا سربراہی اجلاس میں شرکت کے موقع انڈیا کے وزیراعظم نریندر مودی کے بارے میں تنازع ہی سوشل میڈیا پر نہیں چھایا ہوا ہے بلکہ فرانسیسی صدر کی آمد کے پر بھی کوئی بحث ہو رہی ہے کیونکہ جب صدر ایمانوئل میخواں کا جہاز لینڈ کیا تو رن وے پر ان کے استقبال کے لیے کوئی بپی موجود نہیں تھا۔
ایسا جان بوجھ کر نہیں کیا گیا تھا بلکہ صدر کے استقبال کے لیے آنے والے میزبان ملک کے وفد کو ایئر پورٹ پر پہنچنے میں تاخیر ہو گئی۔
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
- دنیا کے دوسرے مصروف ترین دبئی ایئرپورٹ کی کہانی: ’یہاں حالات بدترین نہیں بلکہ خطرناک ہیں، ہمیں جانوروں کی طرح رکھا گیا ہے‘ - 18/04/2024
Facebook Comments - Accept Cookies to Enable FB Comments (See Footer).