انسان نے کہاں کہاں اپنے نقوش نہیں چھوڑے؟ یہ تصاویر دیکھ کر آپ دنگ رہ جائیں گے

کیمرون لوعکس - بی بی سی کلچر


فوٹو گرافر ایڈورڈ برٹینسکی کی تصاویر پہلی بار دکھنے میں دلکش ضرور نظر آتی ہیں، مگردراصل یہ زمین کے جیولوجیکل چہرے پر انسانوں کے چھوڑے پکے نشانات کی عکاسی کرتی ہیں۔

ہیلی کاپٹر اور سیٹلائیٹ سے لی گئی یہ تصاویر کینیڈا کے فوٹوگرافر ایڈورڈ برٹینسکی کی کھینچی ہوئی ہیں۔ برٹینسکی کی بڑے فارمیٹ والی تصویروں میں کان کنی، جنگلات کی کٹائی، صنعتوں کے فضلے، کچرے، ربڑ اور پلاسٹک کے ڈھیر، زمین پر لگی مشینری جو کرسٹل کی طرح دکھتی ہے اور پھپھوندی کی مانند نظر آنے والی انسانی بستیاں دور سے تو شاندار دکھائی دیتی ہیں، مگر قریب سے ایک بھیانک ڈاکیومنٹری کا سین پیش کرتی ہیں۔

چکوکاماتا میں دنیا کی سب سے بڑی کھلی کانیں ہیں۔ دکھنے میں خوبصورت یہ تصویریں دراصل انسانوں کا گھنائونا چہرا بےنقاب کرتی ہیں۔

فلوریڈا میں اس فاسفر ٹیلینگ تالاب کے مصنوعی رنگ سے نمایاں ہوتا ہے کہ جن علاقوں میں فاسفیٹ صنعتی زراعت کے لیے استعمال کیا جاتا ہے وہاں آلودگی کی وجہ سے اس کو قدرتی حالت میں واپس لانا ناممکن ہے۔

ان تصاویر میں یہ نظر آتا ہے کہ ہم زمین کو کس حد تک خطرے میں ڈال رہے ہیں اور کس پیمانے پر ندی نالوں میں کچرا انڈیل رہے ہیں۔

ایریزونا کی مورینسی کان میں تانبا پگھلانے کی تصویریوں میں واضع ہوتا ہے کہ تانبے حاصل کرنے کے عمل میں کے بعد بہتا ہوا مائع تالاب کی شکل اختیار کر لیتا ہے۔

نایجیریا میں غریب لوگوں نے خام تیل کو پائپ لائنوں سے اکٹھا کرنا شروع کر دیا ہے، اس عمل کو ’بنکرنگ‘ کے نام سے جانا جاتا ہے۔ ان لوگوں نے عارضی ریفائنریریز لگا کر خام تیل کو ایندھن میں تبدیل کرنا شروع کر دیا ہے۔ اس عمل کی وجہ سے بہت سا خام تیل اور زہریلے مادے قریبی جنگلات اور بہتے پانی میں مل جاتے ہیں۔

صنعت اور بڑے پیمانے پر بننے والے انسانی مسکن تیزی سے زمین پر گہرے نشانات چھوڑ رہے ہیں جیسے کہ روس کے علاقے بیریزنکی میں زمین سے 350 میٹر نیچے سرنگ کرنے والی مشینوں کی طرف سے بے نقاب کیے گئے ایک قدیم سمندری فرش کی الگ الگ رنگوں کی تہیں ظاہر ہونے لگی ہیں۔

کرارا میں سنگ مرمر کی کانوں میں قدیم روم کے وقت سے کان کنی ہوتی آئی ہے۔ مشہور مورتکار مائیکلاینجلو اس پتھرکا استعمال کر نے کیلئے جانے جاتے تھے اور بعض اوقات وہ تین تین ماہ تک پتھر نکالنے کے عمل کی نگرانی کرتے تھے۔ سنگِ مر مر کی کانوں میں کی گئی یہ کھدائی خلا سے بھی نظر آتی ہے۔

بلاشبہ یہ تصاویر دلفریب ہیں۔ لیکن یہ اس بات کی یاد دہانی بھی کراتی ہیں کہ اس وقت شاید ہی زمین پر کوئی حیاتیات ہوں جنہیں خطرہ لاحق نہیں ہے۔

۔

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 6373 posts and counting.See all posts by british-broadcasting-corp