عمران خان اور پی ٹی آئی حکومت کے سو دن، مزاحیہ میمز میں
پاکستان تحریکِ انصاف کی حکومت کے سو دن پورے ہونے کے بعد اور کوئی کامیابی کا دعویٰ سو فیصد درست ہو یا نہ ہو مگر ایک بات طے ہے کہ اس حکومت کے سو دنوں میں اخبارات، ویب سائٹس اور خصوصاً سوشل میڈیا کو مزاح کے لیے روزانہ کچھ نہ کچھ ملتا رہا۔
حالت یہ ہے کہ ہر نیا آنے والا لطیفہ، شگوفہ، حماقت یا الفاظ کا غلط استعمال میمز اور فن کی ایک نئی لہر کو جنم دیتا ہے۔ آج ہی سابق وفاقی وزیر خواجہ آصف نے سوال کیا کہ ’موصوف کو حماقتیں کرنے کی باقاعدہ ٹریننگ دی جاتی ہے یا قدرتی طور پہ ہی خود کفیل ہیں؟‘
خواجہ آصف کا اشارہ جس جانب بھی ہو مگر یہ سوال بہت سے لوگ پوچھتے ہیں تو اسی لیے ہم نے سوچا کہ ہم تحریکِ انصاف حکومت کی چند یادگار میمز کو آپ کے ساتھ شیئر کریں۔ اگر آپ سوشل میڈیا پر نظر رکھتے ہیں تو آپ کے لیے اکثر میمز دیکھی بھالی ہوں گی مگر بہت کچھ بدل گیا ہے ان سو دنوں میں۔
1: جہانگیر ترین اور آزاد امیدوار
پی ٹی آئی کو قومی اسمبلی میں اکثریت تو مل گئی مگر حکومت بنانے کے لیے اسے آزاد امیدواروں کی ضرورت پڑی اور اس آڑے وقت میں بقول پی ٹی آئی کے بعض حلقوں کے ’یار ہی یار کے کام آیا‘ یعنی جہانگیر ترین جو خود تو نااہل ہیں اور انتخاب نہیں لڑک سکتے مگر انہوں نے ملک بھر سے آزاد امیدواروں کو طیارے میں لاد لاد کر اور نجانے کس کس طریقے سے بنی گالا پہنچانا شروع کیا۔
جس کے نتیجے میں یہ میم بنی یعنی ’اس پیار سے میری طرف نہ دیکھو۔۔۔۔‘
I want someone to look at me the way #JahangirTareen looks at the independent candidates. ❤️ pic.twitter.com/i9ABf32TnH
— Abdur Rahman (@dr_abdur_rahman) July 30, 2018
یعنی ڈاکٹر عبدالرحمٰن کا کہنا ہے کہ ’میں بھی چاہتا ہوں کہ میری جانب کوئی اس طرح دیکھے جیسے جہانگیر ترین آزاد امیدواروں کی طرف دیکھتے ہیں۔‘ اُف اُف۔
jahangir tareen performance 😎😆#عمران_کے_سپاہی pic.twitter.com/Ls6wNEbjdV
— hassan ⚡️💙 (@ch_hassansaeed1) July 28, 2018
اور یہ
Nowadays Jahangir Tareen be like 😂😂😂 pic.twitter.com/s6VCsFaZlg
— ItX Aadi (@itxaadi53) July 29, 2018
2: ہیلی کاپٹر پچپن روپے فی کلومیٹر
عمران خان نے اپنی پہلی تقریر میں سادگی کا اتنا ذکر کیا اور پروٹوکال اور وی آئی پی کلچر کے بارے اتنے بلند بانگ دعوے کیے کہ جب سرکاری ہیلی کاپٹر کی بنی گالا آنیاں جانیاں نظر آئیں تو لوگوں نے پوچھا کہ جناب یہ کیا؟ ابھی یہ بحث شروع ہوئی تھی کہ وفاقی وزیرِ اطلاعات فواد چوہدری نے چٹکلا چھوڑ دیا کہ ہیلی کاپٹر کا خرچ تو صرف ’پچپن روپے فی کلومیٹر ہے‘۔ اب سادگی کے دعوے الگ پچپن روپے والی بات تو دعوتِ میمز ہے۔ اور سوشل میڈیا کہاں ایسی دعوت کو ٹھکراتا ہے۔ اس پر مزید لطیفہ یہ ہوا کہ فواد چوہدری نے اپنا سورس بھی بتا دیا جو کہ گوگل تھا۔
Newaly designed mehran helicopter for niya pakistan.
Rs.55 / km. pic.twitter.com/k3SYy5WVtz— Aamir Arain (stay home stay safe 🏠 (@chaamirzafar) August 28, 2018
اور اس کے بعد یہ ویڈیو۔۔۔
انتظار کی گھڑیاں ختم.
تحریک انصاف کی انقلابی حکومت نے پشاور میں چمکنی سے کارخانو تک ہیلی کاپٹر سروس متعارف کروا دی#NayaPakistan #KPKUpdates pic.twitter.com/OZJMSIVJ9c— Noor Ul Huda Shaheen (@nh_shaheen) August 28, 2018
3: ’ریاست سے نہ ٹکرانا‘
عمران خان کی حکومت کے پہلے سو دنوں میں اگر کسی موقع پر اُن کی پہلی تقریر کے بعد کسی معاملے پر اُن کی تعریف ہوئی تو وہ تحریکِ لبیک یا رسول اللہ کے دھرنے کے ردِ عمل پر ہوئی۔ عمران خان نے آسیہ بی بی کی رہائی کے فیصلے کے بعد احتجاج کی کال پر قوم سے خطاب میں خبردار کیا اور کہا کہ ’ریاست سے مت ٹکرانا‘۔
یہاں تک تو بات ٹھیک رہی مگر اس کے بعد جو ہوا وہ بذبانِ سوشل میڈیا کچھ یوں تھا۔
Riyasat bts pic.twitter.com/sEf2IVvU4x
— ∞ (@speeedfreaak) November 2, 2018
مگر اس سارے معاملے نے نیا رُخ تب اختیار کیا جب حکومت نے تحریکِ لبیک کے رہنما خادم حسین رضوی کو گرفتار کر کے اُن کے خلاف دہشت گردی اور بغاوت کا مقدمہ درج کیا۔
4: یو ٹرن اور لیڈرشپ
عمران خان نے اپنے ایک بیان میں کہا کہ ’مقصد کو حاصل کرنے کے لیے یو ٹرن لینا عظیم لیڈر شپ کی شناخت ہوتی ہے‘۔ اس بیان کے بعد حسبِ توقع پی ٹی آئی کی لیڈرشپ عمران خان کے بیان کے دفاع میں میدان میں اتری جس پر اسامہ نے تبصرہ کرتے ہوئے لکھا ’عمران خان کی ترجمانی وہ لوگ کررہے ہیں جن کو خود نہیں پتہ کہ کل ان کا لیڈر پھر یو ٹرن لے گا کیونکہ یہ ’عظیم لیڈر‘ کی نشانی ہے۔‘
اس بیان پر طنز کرنے والوں کی کمی نہیں جسا کہ حمزہ چوہدری نے لکھا
https://twitter.com/HumzaCh27/status/1067297079649816576
اور یہ ویڈیو جو یو ٹرن کی علامت بن چکی ہے۔
https://twitter.com/anam_zayn/status/1065977140296978433
اور ٹویٹ میں تو عمران خان کی یو ٹرن پر پوری تقریر کو بیان کرنے کا دعویٰ کر دیا گیا ہے۔
#politics these days#ImranKhan #UTurn pic.twitter.com/IKqnBJvLqd
— Syed Ali Hasan (@syedalihasan) November 17, 2018
5: روشنی کی رفتار سے چلنے والی ٹرین
عمران خان نے پاکستان ریلوے کی ایک تقریب میں بات کرتے ہوئے کہا کہ ’چین میں ایک ایسی ٹرین تیار کی جا رہی ہے جو روشنی کی رفتار سے تیز چلے گی۔ اب دنیا میں ایسی کسی ٹرین یا طیارے کا وجود تو نہیں۔ نہ ہی سائنسدان اس حوالے سے کچھ بتانے کو تیار ہیں مگر سوشل میڈیا پر اس بارے میں بہت کچھ لکھا جا رہا ہے۔
نہیں سر عمران صاحب! آپ مجھ سے بڑے سائنسدان ہیں. دیکھیں میں نے جس روشنی کی رفتار سے چلنے والی ٹرین کا تصور بھی نہیں کیا تھا وہ ٹرین آپ نے بنا کر دکھائی.. pic.twitter.com/bA4c2dse4U
— Hafeez Kumbhar (@kumbhar_hafeez) November 24, 2018
6: ہم مصروف تھے
حکومت نے اپنے سو دن مکمل ہونے پر ملک کے بڑے اخباروں میں اشتہارات دیے جن میں صفحۂ اول پر اشتہار میں لکھا ہوا تھا کہ ’ہم مصروف تھے‘ جبکہ صفحہ پلٹنے پر مختلف ہیڈلائنز پر مشتمل ایک تصویر تھی۔ اس پر بھی سوشل میڈیا پر شدید تنقید کی گئی جن میں سیاستدان اور اینکرز شامل تھے۔
Let the headlines speak.. #100Days100UTurns #ہم_مصروف_تھے pic.twitter.com/hseh9fwxKF
— Maleeha Manzoor (@MaleehaManzoor) November 29, 2018
اور کچھ کے خیال میں مصروفیت کچھ یوں تھی
#ہم_مصروف_تھے pic.twitter.com/i6Rnk3RvOL
— Rashid Hashmi (@RashidHashmis) November 29, 2018
اور کچھ نے تو اس بات کو بہت آگے تک لے جانے کا فیصلہ کیا
#ہم_مصروف_تھےpic.twitter.com/4e2ORkUVwd
— Artaxerxes Rex ریکس (@Klashanfork) November 29, 2018
7: انڈے اور مرغیاں
حکومت کے سو دن پورے ہونے پر جہاں بقول فواد چوہدری ’سوا کروڑ‘ کے اشتہارات دے کر حکومت نے مصروفیت کے بارے میں بتایا وہیں عمران خان نے اسلام آباد میں ایک تقریب میں اقتصادی اور معاشی ترقی کے بارے میں بات کرتے ہوئے دیسی انڈوں اور مرغیوں کا ذکر کیا۔ اب یہ بات اس سے قبل بل گیٹس بھی کر چکے تھے اور بہت سے لوگوں کا خیال ہے کہ عمران خان کے علم میں بھی یہ ویڈیو ہو گی۔ مگر جس انداز میں اس کا ذکر کیا گیا اور ٹی وی پر دورانِ تقریر چند خواتین کے ردِ عمل سے اندازہ لگایا جا سکتا ہے کہ بات لوگوں کو اس طرح سمجھ نہیں آئی جس طرح عمران خان سمجھانا چاہ رہے تھے۔
دیسی مرغیاں -پروٹینز کے ٹیکے –
انڈے – انڈوں سے مرغیاں – مرغیاں ھی مرغیاں
واہ واہ واہ — شیخ چلی کا اعلان ِ خوشحالی pic.twitter.com/60fd9SRHWN— Khawaja Saad Rafique (@KhSaad_Rafique) November 29, 2018
جہاں خواجہ سعد رفیق نے اس پر طنز کیا وہیں مسلم لیگ ن کے حامیوں نے شہباز شریف کے ماضی میں اس طرح کے منصوبوں کے بارے میں بات شیئر کی۔ جیسا کہ اس ٹویٹ میں آپ دیکھ سکتے ہیں۔
https://twitter.com/ParvaizPk/status/1068789537030180864
اور کچھ کے خیال میں یہ آئیڈیا بہت آگے تک جا سکتا ہے۔
بچنا اے حسینوں لو میں آگیا
😁#دیسی_مرغیاں@kooldjrian2 pic.twitter.com/o7Z0nHg86t— IηŇỖ℃乇Nţ🇵🇰 (@keenmind_) November 30, 2018
اور اس کے بعد لوگوں کا خیال ہے کہ معاشی انقلاب یونہی آئے گا۔
https://twitter.com/SaminaNazar/status/1069474895774371841
سوشل میڈیا پر ہنسی مذاق معمول کی بات ہے مگر ایسا بہت کم ہوا کہ نوے دنوں میں اتنی تفریح سوشل میڈیا پر ملی ہو۔ جو اپنی ذات میں ایک کارنامہ ہے۔ اس سب کے بعد اکثر لوگ یہ کہہ رہے ہیں کہ عمران خان کو لکھی ہوئی تقریر کرنی چاہیے تاکہ اس قسم کے شگوفے نہ پیدا ہوں۔ مگر سوشل میڈیا اس سے متفق نہیں۔ کیونکہ پھر اتنی تفریح کہاں ملے گی؟
- جمیلہ علم الہدیٰ: مشکل وقت میں شوہر کے ہمراہ ’گھریلو اخراجات اٹھانے والی‘ ایرانی صدر کی اہلیہ کون ہیں؟ - 23/04/2024
- ’مایوس‘ والدہ کی چیٹ روم میں اپیل جس نے اُن کی پانچ سالہ بیٹی کی جان بچائی - 23/04/2024
- مبینہ امریکی دباؤ یا عقلمندانہ فیصلہ: صدر ابراہیم رئیسی کے دورہ پاکستان کے دوران ’ایران، پاکستان گیس پائپ لائن‘ منصوبے کا تذکرہ کیوں نہیں ہوا؟ - 23/04/2024
Facebook Comments - Accept Cookies to Enable FB Comments (See Footer).