آخر سوشل میڈیا جرمن سفیر مارٹن کوبلر کے خلاف کیوں ہو گیا ہے؟
پاکستانی سوشل میڈیا پر ان دنوں جرمن سفیر مارٹن کوبلر کی ایک ٹویٹ پر ہنگامہ جاری ہے جس میں انہوں نے ایک سڑک کے بارے کچھ باتیں کی ہیں جو پاکستانیوں اور غیر ملکیوں کو ناگوار گزری ہیں۔
ایسا پہلی بار نہیں ہوا کہ مارٹن کوبلر نے سوشل میڈیا خصوصاً ٹوئٹر پر ایسی بات کی ہے جس پر تنازع نہ کھڑا ہوا ہو۔
گذشتہ روز مارٹن کوبلر نے ٹویٹ کی کہ ‘ازاخیل بالا میں بنائی گئی اس سڑک کو دیکھیں جسے مقامی دیہاتیوں نے جرمنی کے کے ایف ڈبلیو بینک کی مدد سے تعمیر کیا۔ ایک کلومیٹر کی سڑک جس پر جس پر چالیس لاکھ لاگت آئی بارہ انچ کی تہہ کے ساتھ۔ یہی سڑک خیبرپختونخوا کی حکومت نے ایک کروڑ روپے کے خرچ سے بنائی جس کا معیار ناقص ہے (چھ انچ)۔ کیا آپ مجھے بتا سکتے ہیں کیوں؟’
اس سڑک کو دیکھیے جو ازاخیل بالا میں مقامی گاؤں کے لوگوں نے #Germany کے @kfwpress کے تعاون سے چالیس 40 لاکھ روپے میں بنائ یہ 1 کلو میٹر لمبی ہے اور 12 انچ موٹی ۔ اسی طرح کی سڑک @KPGovernment نے 1 کروڑ میں ناقص معیار کی( 6 انچ موٹائ) بنوائ۔ کیا آپ مجھے بتا سکتے ہیں کیوں؟؟ pic.twitter.com/8IKdTjEJPU
— Bernhard Schlagheck (@GermanyinPAK) December 5, 2018
اس پر جواب لکھتے ہوئے اینکر کاشف عباسی نے لکھا ‘چلیں اس پر خیرپختونخوا حکومت سے جواب مانگتے ہیں’ جبکہ ایک صارف شبیر ہرل نے لکھا ‘ سر بس کریں کتنی بے عزتی کریں گے۔’
چونکہ مارٹن کوبلر نے خیبرپختونخوا حکومت کے ٹوئٹر ہینڈل کو ٹیگ کیا تھا تو اس کے جواب میں خیبرپختونخوا حکومت کے انفارمین اینڈّ پریس ریلیشن ڈپارٹمنٹ ٹوئٹر ہینڈل سے صوبائی وزیرِ اطلاعات شوکت یوسفزئی نے جواب دیا کہ ‘عزت مآب آپ کے سوال کا جواب بہت سادہ ہے۔ جس سڑک کی جانب آپ اشارہ کر رہے ہیں وہ ویسی تعمیراتی معیار نہیں دکھاتی اور نہ ہی سڑک کے کنارے نکاسی کا نظام دکھاتی ہے۔’
اس کے بعد سلسلہ وار ٹویٹس میں اس سڑک اور اس کے حوالے سے جواب دیا گیا ہے جس میں مختلف سوالات بھی اٹھائے گئے ہیں جیسا کہ یہ سوال کہ مارٹن کوبلر نے یہ نہیں بتایا کہ جو سڑک وہ دکھا رہے ہیں اس کا معیار اور بننے کا طریقہ کیا تھا۔
مگر سوشل میڈیا پر ایک سفیر کی جانب سے اس قسم کی ٹویٹ پر شدید ردِ عمل دکھایا گیا۔
Excellency, the answer to your question is very simple. The road, you are pointing out to, does not show specifications and does not describe the kind of drainage system built along the road or the cross drainage structures.
Shoukat Yousafzai
Minister for Information and PRs, KP.— Information Department KP (@infokpgovt) December 5, 2018
صحافی عدیل حسن جعفری نے سوال کیا کہ ‘میں پی ٹی آئی کا حامی نہیں ہوں کس نے اجازت دی جرمن سفیر کو موازنہ کرنے اور سیاسی بیانات دینے کی؟’
ایسام احمد نے لکھا ‘یہ کمنٹ کرنا بہت عجیب لگ رہا ہے اُن کی جانب سے خصوصاً سوشل میڈیا پر۔ شاید وہ پی ٹی آئی کے بہت حمایتی کا الزام لگنے کے بعد اسے بیلنس کرنے کی کوشش کر رہے ہیں؟ جو بھی وجہ ہو اس کے بہت سارے پہلو ہیں اس پر تنقید کرنے سے قبل۔ اور یہ اُن کا کام نہیں ہے۔’
افتخار فردوس نے لکھا ‘لگتا ہے مسٹر کوبلر نے اپنی اس ٹویٹ سے چائے کی پیالی میں طوفان برپا کر دیا ہے۔ خبرپختونخوا حکومت نے اب اس کے جواب میں ایک سرکاری بیان جاری کیا ہے جس میں ان کے دعوے کو چیلنج کیا ہے اور کہا ہے کہ اس سڑک کے بنانے میں حفاظتی معیارات کا پاس نہیں رکھا گیا اور یہ کہ یہ سڑک جو انہوں نے بنائی ہے وہ اتنی اچھی نہیں ہے۔’
- مولی دی میگپائی: وہ پرندہ جس کی دوستی کتے سے کرائی گئی اور اب وہ جنگل جانے پر راضی نہیں - 28/03/2024
- ماسکو حملے میں ملوث ایک تاجک ملزم: ’سکیورٹی افسران نے انھیں اتنا مارا کہ وہ لینن کی موت کی ذمہ داری لینے کو تیار ہو سکتا ہے‘ - 28/03/2024
- ٹوبہ ٹیک سنگھ میں لڑکی کے قتل کی ویڈیو وائرل: ’جو کچھ ہوا گھر میں ہی ہوا، کوئی بھی فرد شک کے دائرے سے باہر نہیں‘ - 28/03/2024
Facebook Comments - Accept Cookies to Enable FB Comments (See Footer).