اینڈروئڈ یا آئی فون: آپ کا فون آپ کی شخصیت کے بارے میں کیا کہتا ہے؟


بعض افراد سمارٹ فون استعمال کر رہے ہیں

Getty Images
یہ شخصیات اور سمارٹ فونز کے انتخاب سے تعلق کے بارے میں پہلی ریسرچ ہے

ہمارا سمارٹ فون اب ہماری شخصیت کا حصہ بن چکا ہے۔ ہم میں سے کئی ایک دن میں پانچ سے زیادہ گھنٹے اس پر مصروف رہتے ہیں۔

لیکن یہ سمارٹ فونز ہمارے بارے میں کیا بتاتے ہیں کہ ہم کون ہیں؟

لینکاسٹر اور لنکن یونیورسٹیز نے تقریباً پانچ سو اینڈروئڈ اور آئی فونز استعمال کرنے والوں کی شخصیت کا مطالعہ کیا اور جاننے کی کوشش کی کہ ان کا اپنے فون کے ساتھ رویہ کیسا ہے۔

ٹیکنالوجی کی بارے میں دیگر مضامین

کیا آپ اپنے موبائل فون سے دوری برداشت کر سکتے ہیں؟

ٹیکنالوجی کی لت کیسے ہمارے دماغ کو آلودہ کر رہی ہے؟

یادداشت کے بارے میں چھ دلچسپ و عجیب انکشافات

بلو ٹوتھ آن رکھا تو معلومات چوری ہو سکتی ہیں

انھیں معلوم ہوا کہ ہمارے سمارٹ فونز ہماری شخصیت کے کچھ پہلوؤں کا انکشاف کرتے ہیں۔

مثال کے طور پر ریسرچرز کو معلوم ہوا کہ اینڈروئڈ فون استعمال کرنے والے آئی فون استعمال کرنے والوں سے زیادہ ’ایماندار‘ ہوتے ہیں۔

تاہم آئی فون استعمال کرنے والے اینڈروئڈ فون استعمال کرنے والوں کے نسبت کم عمر ہوتے ہیں اور زیادہ کھلے مزاج کے ہوتے ہیں۔

آئی فون

Getty Images
امکان یہ ہے کہ آئی فون استعمال کرنے والی زیادہ تر خواتین ہیں

اس تحقیقی مطالعے سے پتہ چلا ہے کہ خواتین مردوں کی نسبت آئی فون زیادہ پسند کرتی ہیں لیکن ان کی اس پسند کی وجہ نہیں جانی جاسکی۔

دوسری جانب اینڈروئڈ فون استعمال کرنے والے عموماً زیادہ عمر کے مرد ہیں۔

لیکن سمارٹ فون کے انتخاب سے آپ کی شخصیت کے بارے میں معلومات کیسے ملتی ہیں؟

ریسرچرز کا کہنا ہے کہ ان سمارٹ فونز کے انتخاب سے ہر فرد اپنی سوچ پیش کر رہا ہوتا ہے۔

اس ریسرچ ٹیم کی شریک سربراہ ہائیدر شا کہتی ہیں کہ ’اب یہ واضح ہوتا جا رہا ہے کہ سمارٹ فون استعمال کرنے والے کی شخصیت کا ایک منی ڈیجیٹل ورژن بنتا جا رہا ہے۔‘

’ہم میں سے کئی لوگ اپنا فون کسی دوسرے کو استعمال نہیں کرنے دیتے ہیں کیونکہ انھیں خدشہ ہوتا ہے کہ ہمارے راز افشا نہ ہوجائیں۔‘

اس ریسرچ کے مطابق، آئی فون استعمال کرنے والے اینڈروئڈ فون استعمال کرنے والوں سے زیادہ آسودہ نہیں ہوتے ہیں، لیکن آئی فون استعمال کرنے والے اس بارے میں فکر مند رہتے ہیں کہ اسے سٹیٹس کی علامت سمجھا جاتا ہے۔

یہ لوگ اپنی جذباتی کیفیت کو ظاہر کرنے کی جانب زیادہ مائل ہوتے ہیں۔

ریسرچ سے معلوم ہوا ہے کہ اینڈروئڈ فون استعمال کرنے والے آئی فونز کے استعمال کرنے والوں سے زیادہ ایماندار ہوتے ہیں

Getty Images
ریسرچ سے معلوم ہوا ہے کہ اینڈروئڈ فون استعمال کرنے والے آئی فونز کے استعمال کرنے والوں سے زیادہ ایماندار ہوتے ہیں

ان ریسرچرز نے اپنی معلومات کی مدد سے ریسرچ کے اگلے مرحلے میں ایک کمپیوٹر پروگرام بھی بنایا دیا جس کے ذریعے وہ کسی شخص کے بارے میں بتا سکتے ہیں کہ اسے کون سا سمارٹ فون پسند آئے گا۔

سی این ای ٹی سے بات کرتے ہوئے ایک ریسرچر ڈیوڈ ایلیس نے کہا کہ ’ہم اعداد و شمار کی بنیاد پر ایک ایسا ماڈل بنانے کے قابل ہو گئے ہیں جس کی بدولت ہم کسی سے چند سوالات کر کے یہ پیشن گوئی کرسکتے ہیں کہ اس کی جیب میں کون سا فون ہے۔‘

ایسے ماحول میں جب ڈیٹا پرائیویسی پر بحث سنجیدہ ہوتی جا رہی ہے، ایلیس اور ان کی ٹیم کا کہنا ہے کہ کسی بھی شخص کے بارے میں اس کی نجی معلومات اس کے سمارٹ فون کے آپریٹنگ سسٹم کے انتخاب جیسی عام بات سے معلوم کی جا سکتی ہیں۔

سمارٹ فونز میں اینڈروئڈ دنیا کا سب سے زیادہ استعمال کیا جانے والا آپریٹنگ سسٹم ہے

Getty Images
سمارٹ فونز میں اینڈروئڈ دنیا کا سب سے زیادہ استعمال کیا جانے والا آپریٹنگ سسٹم ہے
image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 6819 posts and counting.See all posts by british-broadcasting-corp