ساہیوال واقعہ: سی ٹی ڈی ذمہ دار ، اہلکاروں کے خلاف دہشت گردی کا مقدمہ
پاکستان کے صوبہ پنجاب کی حکومت نے ساہیوال واقعے میں سی ٹی ڈی کے اہلکاروں کو ذمہ دار قرار دیتے ہوئے ملوث اہلکاروں کے خلاف انسداد دہشت گردی کی دفعات کے تحت مقدمہ قائم کرنے کا حکم دیا ہے۔
لاہور میں جے آئی آئی ٹی کی ابتدائی رپورٹ کے بعد میڈیا سے بات کرتے ہوئے صوبائی وزیرِ قانون راجہ بشارت نے بتایا کہ ساہیوال واقعے میں ملوث اہلکاروں کے خلاف کارروائی کا فیصلہ کیا گیا ہے۔
انھوں نے بتایا کہ ابتدائی رپورٹ کے مطابق خلیل کے خاندان کے افراد کے قتل کا ذمہ دار سی ٹی ڈی کو ٹھہرایا گیا ہے۔
وزیرِ قانون کے مطابق سی ٹی ڈی کے صوبائی اور ضلعی عہدیداران کو عہدوں سے ہٹانے کا فیصلہ کیا گیا ہے۔
’رپورٹ کی روشنی میں ایڈیشنل آئی جی آپریشنز پنجاب کو عہدے سے ہٹا کر وفاقی حکومت کو رپورٹ کرنے کا حکم دیا گیا ہے۔ ‘
’ایڈیشنل آئی جی سی ٹی ڈی پنجاب اور ڈی آئی جی سی ٹی ڈی، کو عہدے سے ہٹا دیا گیا ہے۔ جبکہ ایس ایس ایس پی سی ٹی ڈی اور ڈی ایس پی سی ٹی ڈی ساہیوال کے معطل کر دیا گیا ہے۔‘
انھوں نے مزید کا کہ اس واقعے میں ملوث پانچ اہلکاروں پر دفعہ 302 کے تحت گرفتار کیا گیا ہے ان پر انسداد دہشت گردی کے مقدمہ قائم کر کے پیش کرنے کا حکم دیا گیا ہے۔
صوبائی وزیر قانون نے بتایا کہ واقعے میں ہلاک ہونے والے گاڑی کے ڈرائیور ذیشان جاوید سے متعلق مزید حقائق معلوم کرنے کے لے جے آئی ٹی نے مزید مہلت مانگی ہے۔
اسی بارے میں
ساہیوال واقعے میں ہلاک ہونے والا ذیشان کون ہے؟
سہمے بچے دیکھ کر ابھی تک صدمے میں ہوں: عمران خان
وزیرِ قانون راجہ بشارت کا کہنا تھا ’سارے ذمہ داروں کا تعین ہو جائے تو کارروائی کی جائے گی۔‘
ان کا کہنا تھا کہ حکومت نے تیز اور شفاف تحقیقات کا وعدہ پورا کیا ہے۔ ’ہماری عوام کے ساتھ کمٹمنٹ ہےکہ ہم نے انصاف کے تقاضے پورے کرنے ہیں۔ یہ معاملہ حکمت پنجاب کے لیے ایک ٹیسٹ کیس ہے۔ ہم نے اسے مثال بنانا ہے۔‘
’ماضی میں اس صوبے میں لوگوں کو انصاف نہیں ملتا تھا۔ لیکن ہم نے لوگوں کو انصاف دینا ہے۔ ‘
یاد رہے کہ ساہیوال کے قریب قومی شاہرہ پر پنجاب پولیس کی انسداد دہشت گردی فورس (سی ٹی ڈی) کی جانب سے کیے گئے مبینہ پولیس مقابلے میں دو خواتین سمیت چار افراد ہلاک ہو گئے تھے۔
واقعے کے بعد سی ٹی ڈی کی جانب سےجاری کیے گئے بیان میں ہلاک ہونے والے چاروں افراد کو دہشت گرد قرار دیا گیا لیکن اس کے چند گھنٹوں کے بعد سوشل میڈیا اور مقامی میڈیا پر عینی شاہدین کی جانب سے بنائی جانے والی مختلف ویڈیوز منظر عام پر آنے کے بعد اس موقف کو تبدیل کر لیا گیا اور پنجاب پولیس اور حکومتی وزرا نے پریس کانفرنس میں صرف کار ڈرائیور ذیشان کو دہشتگرد قرار دیا۔ جبکہ اس واقعہ میں ہلاک ہونے والے دیگر افراد کو بے گناہ قرار دے دیا گیا۔
وزیراعلیٰ پنجاب کی جانب سے اس واقعے کی مختلف سطح پر تحقیقات کا حکم دیا تھا ارو اس کے لیے جے آئی بنائی گئی تھی۔
- کیا آئی پی ایل میں ’بے رحمانہ‘ بلے بازی کرکٹ کو ہمیشہ کے لیے بدل رہی ہے؟ - 25/04/2024
- مریم نواز اور پنجاب پولیس کی وردی:’کیا وزیراعلیٰ بہاولنگر کے تھانے کا دورہ بھی کریں گی؟‘ - 25/04/2024
- غزہ کی اجتماعی قبروں میں لاپتہ اہلخانہ کی تلاش: ’ہم اس بات کی اجازت نہیں دے سکتے کہ یہ چھوٹا سا معاملہ بن کر دب جائے‘ - 25/04/2024
Facebook Comments - Accept Cookies to Enable FB Comments (See Footer).