بلوچستان میں ایف سی کی کارروائی میں 6 شرپسند ہلاک


\"fc\"ایف سی اور حساس اداروں نے بلوچستان کے علاقے وندر میں شرپسندوں کی موجودگی پر کارروائی کی ، فائرنگ کے تبادلے میں کالعدم تنظیم کے 4 شرپسند مارے گئے جبکہ پسنی میں سرچ آپریشن کے دوران فائرنگ کے تبادلے میں 2 دہشت گرد ہلاک ہو گئے۔
فرنٹیئر کور بلوچستان اورحساس ادارے نے بیلہ کے علاقے وندر میں کالعدم تنظیم کے شرپسندوں کی موجودگی کی اطلاع پر کارروائی کی ، کارروائی کے دوران شرپسندوں نے ایف سی پر فائرنگ کر دی۔ایف سی ترجمان کے مطابق جوابی فائرنگ سے کالعدم تنظیم کے 4 شرپسند مارے گئے جبکہ ہلاک ہونے والے شرپسندوں کے قبضہ سے دستی بم ، ایس ایم جیز اور دوسرا جدید اسلحہ بھی برآمد ہوا ہے۔ترجمان کے مطابق ہلاک ہونے والے شرپسند اغوا برائے تاوان ، بھتہ خوری منشیات ، سمگلنگ اور سکیورٹی فورسز پر حملوں میں ملوث تھے۔
دوسری طرف سپنی کے اے ایریا وارڈ نمبر 2 میں رات گئے سکیورٹی فورسز کے اہلکار سرچ آپریشن کر رہے تھے کہ دہشت گردوں نے ان پر فائرنگ کر دی ، جوابی فائرنگ کے نتیجے میں 2 دہشت گرد موقع پر ہلاک ہو گئے جن کے قبضہ سے اسلحہ بھی برآمد ہوا ، لاشوں کی تاحال شناخت نہیں ہو سکی ، بعد ازاں لاشوں کو ڈی ایچ کیو منتقل کر دیا گیا ہے۔

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں