میئر کو اختیار دینے سے متعلق بل مسترد ہونے پر متحدہ کا ایوان سے واک آﺅٹ


\"mqm\"سندھ اسمبلی کے اجلاس کے دوران میئرکو اختیار دینے سے متعلق بل مسترد ہونے پر متحدہ قومی موومنٹ کے اراکین کی جانب سے شدید احتجاج کیا گیا جب کہ ہنگامہ آرائی کے بعد اراکین احتجاجاً ایوان سے واک آو¿ٹ کرگئے۔
ایک نجی ٹی وی چینل کے مطابق ڈپٹی سپیکرشہلا رضا کی زیرصدارت اجلاس کے دوران کراچی میں میئر کو اختیارات دینے سے متعلق بل مسترد ہونے پر ایم کیو ایم اراکین نے احتجاج شروع کردیا اور پلے کارڈز اٹھائے اراکین ڈپٹی سپیکر کی ڈائس کے قریب آکر نعرے بازی کرنے لگے جس پر ڈپٹی سپیکرنے انہیں احتجاج ختم کرکے نشستوں پر جانے کی ہدایت کی تاہم احتجاج کو خاطرمیں نہ لانے پرایم کیو ایم اراکین ایوان سے واک آو¿ٹ کرگئے۔
ایم کیوایم کے رکن خالد احمد کا کہنا تھا کہ کراچی واٹربورڈ کا چیئرمین میئرہوتا تھا لیکن یہ اختیاربھی ایک وزیرکو دے دیا گیا ہے جو سراسرناانصافی ہے جب کہ سندھ کے سینئروزیرنثارکھوڑو کا اس موقع پرکہنا تھا کہ یہ خوامخواہ کا احتجاج ہے، بل مسترد ہونے پراس طرح کے احتجاج کی ضرورت نہیں تھی۔


Comments

'ہم سب' کا کمنٹس سے متفق ہونا ضروری نہیں ہے۔ کمنٹ کرنے والا فرد اپنے الفاظ کا مکمل طور پر ذمہ دار ہے اور اس کے کمنٹس کا 'ہم سب' کی انتظامیہ سے کوئی تعلق نہیں ہے۔

اسی بارے میں: ۔  وزیر اعظم کے بچوں کو پیر تک آخری موقع :جواب جمع نہ کرایا تو الزاماتتسلیم کرلیں گے:سپریم کورٹ