کفن چوروں کی انجمن

دوست کے لئے تحفہ خریدنے کے انتخاب کے مخمصے سے اس وقت جان خلاصی ہوئی جب راہ چلتے ہوئے میں نے دیوار پر ایک سیاسی رہنما کی آویزاں تصویر دیکھی اور اس سے سوغات میں دینے کا فیصلہ کرلیا۔

میزان چوک کوئٹہ پہ واقع بند دکان کے تڑے پر لگے سٹال کے مالک ایک باریش بزرگ تھے۔

پتہ چلا کہ جس سیاسی رہنما کی تصویر برائے فروخت ہے ان کے ہم قبیلہ اور ہم فکر ہیں۔

برائے فروخت رہنما پہلے کرداراور گفتار کے غازی کے طور پر مشہور تھے اور آج کل ان کے نام لیتے ہی سامنے والے کے چہرے پر ایک طنزیہ مسکراہٹ پھیل جاتی ہے۔

یہی کیفیت بزرگ دکان دار کی بھی تھی۔ میں نے تصویر کی طرف اشارہ کرتے ہوئے پوچھا ان صاحب کی تصویر بھی بیچ رہے ہیں کیا؟

مسکراتے ہوئے جواب دیا، ہاں جی! یہ ہمیں بیچ رہے ہیں اور میں انہیں بیچ رہا ہوں۔

علامہ اقبال کا ایک شعر ہے۔

من ازیں بیش ندانم کہ کفن دزدے چند
بہر تقسیم قبور انجمنے ساختہ اند

( میں اس سے زیادہ نہیں جانتا کہ بعض کفن چوروں نے مل کر قبروں کی تقسیم کی خاطر ایک انجمن بنا ڈالی ہے)

• About
• Latest Posts

عبدالحئی کاکڑ

عبدالحئی کاکڑ صحافی ہیں اور مشال ریڈیو کے ساتھ وابستہ ہیں

Latest posts by عبدالحئی کاکڑ (see all)

• کیف کی ایک شام، جنگ اور بزرگ کا پیانو - 02/03/2022
• ڈاکٹر عبدالحئی بلوچ کی گرفتاری کے لئے اڑتے جہاز کو اتارا گیا - 25/02/2022
• مشال کے قتل کے چار سال بعد عبدالولی خان یونیورسٹی میں کون سی بات نہیں کرنی؟ - 13/04/2021