پاکستان کی تعلیمی پسماندگی

پاکستان دنیا سے اور بلوچستان پاکستان سے تعلیم میں نصف صدی پیچھے اقوام متحدہ کی تازہ رپورٹ کے مطابق پاکستان کا تعلیمی نظام دنیا بھر میں پرائمری سطح پر دی جانے والی تعلیم کے مقابلے میں 50 سال جب کہ سیکنڈری سطح پر دی جانے والی تعلیم کے مقابلے میں 60 سال پیچھے ہے جبکہ پاکستان میں تعلیمی معیار اور انفراسٹرکچر کی سہولتوں کا جائزہ لیا جائے تو بلوچستان دونوں حوالوں سے آخری نمبر پر ہے۔

پاکستان میں 56 لاکھ ایسے بچے ہیں جو اسکول جاتے ہی نہیں اور پرائمری تعلیم کے حوالے سے یہ تعداد دنیا بھر میں سب سے زیادہ ہے. اس کے علاوہ 55 لاکھ بچے ایسے ہیں جو مڈل اسکول سے آگے تعلیم حاصل نہیں کرتے جبکہ کہ ایک کروڑ 4 لاکھ ایسے بچے ہیں جو سیکنڈری اسکول سے آگے تعلیم کا سلسلہ جاری نہیں رکھ پاتے. بلوچستان میں اب تک صرف 12 ہزار کے قریب سکول تعمیر کیے جاسکے ہیں جن میں زیادہ تر پرائمری سکول ہیں. مڈل اور ہائی سکولوں کی تعداد کم ہونے کی وجہ سے پرائمری سے مڈل کے درمیان سکول چھوڑنے کی شرح 60 فیصد جبکہ مڈل سے ہائی کے درمیان 45 فیصد ہے۔ اسکولوں کی تعداد کم ہونے کی وجہ سے بلوچستان میں سکول جانے کی عمر کے 13 لاکھ بچے سکولوں میں ہیں جبکہ 18 لاکھ سکولوں سے باہر ہیں۔

تعلیمی میدان میں پاکستان کو دنیا اور بلوچستان کو پاکستان کے برابر لانے کے لئے وفاقی اور صوبائی سطح پر زیادہ سے زیادہ تعلیمی بجٹ مختص ہونا چاہئے لیکن تلخ حقائق یہ ہیں کہ جہاں ایک طرف گزشتہ سال کے مقابلے میں تعلیم کے وفاقی بجٹ میں کوئی نمایاں اضافہ نہیں ہوا وہیں گزشتہ سال کی نسبت بلوچستان میں تعلیمی شعبے کا ترقیاتی بجٹ 10 ارب روپے سے کم ہو کر 6 ارب 65 کروڑ روپے رہ گیا ہے.

• About
• Latest Posts

مظہر اقبال چودھری

Latest posts by مظہر اقبال چودھری (see all)

• ڈاکٹر شاہد مسعود اور ملزم عمران کے 37 بینک اکاؤنٹ - 26/01/2018
• گاڈ فادر سے پاناما تک - 08/05/2017
• کشمیریوں کے ایام سیاہ کب ختم ہوں گے؟ - 27/10/2016