کوئٹہ میں پولیس موبائل پر فائرنگ،2 اہلکار جاں بحق


quettaکوئٹہ کے علاقے سیٹلائٹ ٹاون میں پولیس موبائل ٹیم پر مسلح افراد کی فائرنگ سے دو اہلکار جاں بحق جبکہ دو زخمی ہوگئے۔
پولیس کے مطابق فائرنگ کا واقعہ سیٹلائٹ ٹاون کے قریب منیر مینگل روڈ پر پیش آیا، جہاں پولیس کی موبائل ٹیم معمول کے گشت پر تھی کہ نامعلوم مسلح افراد نے گاڑی پر فائرنگ کر دی اور فرار ہوگئے، فائرنگ کے نتیجے میں دو اہلکار جاں بحق ہوگئے جبکہ اس واقعہ میں دو اہلکار زخمی بھی ہوئے۔
واقعہ کے بعد پولیس اور دیگر قانون نافذ کرنے والے اہلکار موقع پر پہنچ گئے جاں بحق اور زخمیوں کو ہسپتال منتقل کردیا گیا، علاقے میں قائم ناکہ جات پر سکیورٹی مزید سخت کردی گئی ہے۔


Comments

FB Login Required - comments