فکر دا سج ابھردا اے ۔۔۔ شاکر شجاع آبادی

فکر دا سج ابھردا ہئے سوچیندیاں شام تھی ویندی

خیالیں وچ سکون اجکل گولیندیاں شام تھی ویندی
انھاں دے بال ساری رات روندین، بُھک توں سُمدے نئی

جنھاں دی کہیں دے بالاں کوں کھڈیندیاں شام تھی ویندی
غریباں دی دعا یارب خبر نہیں کن کریندا ہیں

سدا ہنجوؤاں دی تسبیح کُوں پھریندیاں شام تھی ویندی
کڈھیں تاں دُکھ وی ٹل ویسن کڈھیں تاں سکھ دے ساھ ولسن

پُلا خالی خیالاں دے پکیندیاں شام تھی ویندی
میڈا رازق رعایت کر نمازاں رات دیاں کردے

جو روٹی رات دی پوری کریندیاں شام تھی ویندی
میں شاکر بُھک دا ماریا ہاں مگر حاتم تُوں گھٹ کائینی

قلم خیرات میڈی ہے چلیندیاں شام تھی ویندی

(شاکر شجاع آبادی)

• About
• Latest Posts

گوشہ ادب

Latest posts by گوشہ ادب (see all)

• کب میرا نشیمن اہل چمن گلشن میں گوارا کرتے ہیں - 18/04/2019
• ڈپٹی نذیر احمد دہلوی کے بعض دلچسپ واقعات - 16/02/2019
• کینہ جو ترے دل میں بھرا ہے سو کدھر جائے - 17/01/2019