ترک صدر رجب طیب اردگان آج پاکستان پہنچ رہے ہیں


\"urdwan\"

اسلام آباد: ترک صدر رجب طیب اردگان آج دو روزہ دورے پر پاکستان پہنچ رہے ہیں۔

ترک صدر رجب طیب اردگان آج شام دو روزہ دورے پر پاکستان پہنچ رہے ہیں، وزیراعظم نواز شریف ترک صدر کا استقبال کریں گے اور دوست ملک کے صدر کو ایئرپورٹ پر گارڈ آف آنر پیش کیا جائے گا۔ ترک صدر رجب طیب اردگان صدر ممنوں حسین اور وزیراعظم نواز شریف سے ملاقات بھی کریں گے جس میں باہمی دلچسپی کے امور سمیت عالمی اور علاقائی صورت حال پر بات چیت کی جائے گی۔

ترک صدر کو آج رات ایوان صدر میں ضیافت دی جائے گی جس میں میں وفاقی، وزرا، اراکین پارلیمنٹ، مسلح افواج کے سربراہان اور دوست ممالک کے سفرا بھی شریک ہوں گے۔ ترک صدر کل پارلیمنٹ کے مشترکہ اجلاس سے خطاب کریں گے جب کہ وزیراعظم نواز شریف ترک صدر کو کل لاہور میں استقبالیہ بھی دیں گے۔

واضح رہے کہ رجب طیب اردگان پارلیمنٹ کے مشترکہ اجلاس سے خطاب کرنے والے 19 اور تیسری بار خطاب کرنے والے پہلے عالمی رہنما ہوں گے۔ اس سے قبل 2012 اور 2009 میں بھی رجب طیب اردگان پارلیمنٹ کے مشترکہ اجلاس سے خطاب کر چکے ہیں۔ اس کے علاوہ گزشتہ برس چین کے صدر زی جنگ پنگ نے بھی پارلیمنٹ کے مشترکہ اجلاس سے خطاب کیا تھا۔


Facebook Comments - Accept Cookies to Enable FB Comments (See Footer).

Subscribe
Notify of
guest
0 Comments (Email address is not required)
Inline Feedbacks
View all comments