اے این پی کے مرکزی رہنما حاجی عدیل انتقال کر گئے


\"hajimuhammadadeel\"

پشاور: عوامی نیشنل پارٹی کے مرکزی رہنما حاجی عدیل طویل علالت کے بعد انتقال کر گئے۔

ایکسپریس نیوز کے مطابق اے این پی کے مرکزی رہنما اور سابق سینیٹر حاجی عدیل پشاور میں انتقال کر گئے۔ خاندانی ذرائع نے حاجی عدیل کے انتقال کی تصدیق کرتے ہوئے بتایا کہ سابق سینیٹر طویل عرصے سے گردے کے عارضے میں مبتلا تھے اور گزشتہ روز انہیں تکلیف کے باعث سی ایم ایچ پشاور منتقل کیا گیا تھا تاہم وہ جانبر نہ ہو سکے۔ ان کی نماز جنازہ شام 4 بجے جناح پارک پشاور میں ادا کی جائے گی۔

واضح رہے کہ حاجی عدیل1997 سے 1999 تک ڈپٹی اسکیپر خیبر پختونخوا اسمبلی رہے جب کہ 2009 سے مارچ 2015 تک سینیٹر بھی رہے۔ حاجی عدیل سینیٹ میں اے این پی کے پارلیمانی لیڈر بھی رہے، اس کے علاوہ حاجی عدیل تقریباً ڈیڑھ سال تک اے این پی کے قائم مقام صدر بھی رہے۔


Comments

'ہم سب' کا کمنٹس سے متفق ہونا ضروری نہیں ہے۔ کمنٹ کرنے والا فرد اپنے الفاظ کا مکمل طور پر ذمہ دار ہے اور اس کے کمنٹس کا 'ہم سب' کی انتظامیہ سے کوئی تعلق نہیں ہے۔