ہڑتال کے باعث نجی ایئر لائنز کی لوٹ مار


airlineپی آئی اے کا فلائٹ آپریشن معطل ہوتے ہی نجی ایئر لائنز نے لوٹ مار شروع کردی ، مسافروں کی مجبوریاں دیکھتے ہوئے کرائے بھی بڑھا دیئے۔ فضائی سفر کرنیوالے ایئر پورٹس پر خوار ہو رہے ہیں۔ قومی ایئر لائن کی نجکاری عوام پر بھی بھاری اندرون و بیرون ملک پروازیں منسوخ ، اکثر تاخیر کا شکار ، مسافر ہوئے خوار تو نجی ایئر لائنز کرنے لگیں لوٹ مار۔ مسافروں کا رش بڑھا ساتھ ہی نجی ایئر لائنز کی من مانیاں بھی۔ انتظامیہ نے مجبوریوں کا فائدہ اٹھایا ، خود سے ہی کرایہ بھی بڑھایا۔ لاہور سے کراچی کا یک طرفہ کرایہ اب آٹھ ہزار سے بڑھا کر اٹھارہ ہزار کر دیا گیا ہے۔ اسلام آباد سے کراچی جانیوالوں کو بائیس ہزار کا ٹکٹ لینا پڑے گا۔ سیٹ پھر بھی قسمت سے ہی ملے گی۔ پی آئی اے فلائٹ آپریشن متاثر ہونے کے باعث ریلوے سٹیشنز پر بھی رش دیکھا جا رہا ہے۔


Comments

FB Login Required - comments