گورنر سندھ جسٹس سعید الزماں صدیقی انتقال کر گئے


\"\"گورنر سندھ جسٹس سعید الزماں صدیقی طویل علالت کے باعث کراچی کے نجی ہسپتال میں انتقال کر گئے۔ وہ دو ماہ گورنر سندھ کے عہدے پر فائز رہے۔
گورنر سندھ کا عہدہ سنبھالنے کے بعد ان کی طبیعت بدستور خراب تھی اور وہ کئی بار ہسپتال میں زیر علاج رہے تھے۔ گورنر سندھ کو پندرہ دسمبر کو ہسپتال سے ڈسچارج کیا گیا تھا اور گورنر ہاوس میں قائم عارضی آئی سی یو میں زیر علاج تھے۔ آج طبیعت بگڑنے پر انہیں نجی ہسپتال منتقل کیا گیا تاہم وہ حرکت قلب بند ہونے سے انتقال کر گئے۔ سعید الزماں صدیقی نے 11 نومبر 2016 کو سندھ کے 31ویں گورنر سندھ کا حلف اٹھایا تھا اور دو ماہ گورنر سندھ کے عہدے پر فائز رہے۔ گورنرسندھ سعید الزماں صدیقی کے انتقال پر صدر ممنون حسین، وزیراعظم نواز شریف نے اظہار افسوس کیا۔


Comments

'ہم سب' کا کمنٹس سے متفق ہونا ضروری نہیں ہے۔ کمنٹ کرنے والا فرد اپنے الفاظ کا مکمل طور پر ذمہ دار ہے اور اس کے کمنٹس کا 'ہم سب' کی انتظامیہ سے کوئی تعلق نہیں ہے۔

اسی بارے میں: ۔  پٹھان کوٹ حملہ : پاکستانی تحقیقاتی ٹیم مارچ میں بھارت کا دورہ کرے گی