ماورا حسین یا ماورا ہوکین؟


\"\"اب گوگل کی غلطیاں پکڑتے میں کہاں اچھا لگتا ہوں؟ مگر سچ سے نظریں چرانا بھی آخر کہاں کی بہادری ہے۔ پاکستانی ٹی وی چینلز کی سپر سٹار ماورا حسین کی بھارتی فلم کو سرچ کرنے کے لیے گوگل پر ماورا حسین ٹائپ کیا تو گوگل نے اس نام کو پہچاننے سے صاف انکارکر دیا۔ ساتھ ہی یہ مشورہ بھی دے ڈالا کہ آپ ماورا ہوکین سے مل لیجیے۔ لو بھلا یہ بھی کیا بات ہوئی کہ ہم اجنبیوں سے ملتے پھریں مگر پھر سوچا چلو نام ملتا جلتا ہی ہے کیوں نہ بایو گرافی دیکھ لی جاے۔

غضب خدا کا۔ تصویر ماورا حسین کی، معلومات ماورا حسین کی، کام ماورا حسین کا مگر نام ماورا ہوکین کا۔۔۔ گوگل سے اتنی بے ایمانی کی امید نہیں تھی۔ سوچا گوگل سے غلطی ہوئی ہو گی۔ کسی دوست کو اس غلطی سے آگاہ کرنے کا سوچا ہی تھا کہ دل نے انتباہ کیا ارے کیا کر رہے ہو۔ دو چار کالم کیا لکھ لیے خود کو دانشور ہی سمجھنے لگے ہو۔ کیا پدی اور کیا پدی کا شوربہ۔ چلے ہو گوگل کو غلط ثابت کرنے۔ میں سہم گیا۔\"\"

گوگل اور اس کے کروڑوں چاہنے والوں سے معذرت کے ساتھ عرض ہے کہ گوگل ہمیشہ سے پاکستانیوں سے ایسے ہی کرتا ہے۔ نہیں یقین تو گوگل سے پشاور کے محمد یوسف خان کا پوچھ لیجیے۔ گوگل کمال چالاکی سے انجان بن جاے گا مگر ممبی کے دلیپ کمار کا پوچھو تو گوگل خود اس کا فین نکلے گا۔ گوگل سے پاکستانی اداکارہ مونا لیزا کا ذکر چھیڑو تو آگے سے لیونارڈو دا ونچی کے شاہکار پورٹریٹ مونا لیزا کا ذکر لے کے بیٹھ جاے گا مگر جیسے ہی سارہ لورین کا پوچھو تو باچھیں کھول کر ہنس ہنس کر سینکڑوں پیجز سامنے رکھ دے گا۔ فواد اور ماہرہ کو ابھی سے تنبیہ کر ہا ہوں کہ خود کو گوگل کی کہہ مکرنیوں سے بچا کر رکھیں۔ بعد میں نہ کہنا کہ کسی نے انتباہ نہیں کیا۔۔

اسی بارے میں: ۔  کامیاب پبلسٹی فلم کی کامیابی کی ضمانت ہوتی ہے: مہوش

ڈھونڈنے کی بہت کوشش کی مگ ناکام رہا۔ ایک بھی ایسا نام نہیں مل سکا جس نے بالی ووڈ سے ہالی ووڈ میں جا کے \"\"اپنا سرنام اور پہچان بدل لی ہو۔ پریانکا چوپڑا نہ ہی پریانکا ٹیلر بنی اور نہ یہ امیتابھ بچن کو امیتابھ ولسن بننے کی سوجھی۔ کرکٹر حسیب احمد کے دل میں بھی حسیب مورگن بننے کی تمنا نے سر نہ اٹھایا حالانکہ اگر یہ لوگ نام بدل بھی لیتے تو ماہر لسانیات کے ماتھوں پر بل نہ ابھرتے۔

مسلہ مسلمانیت کا ہے یا پاکستانیت کا؟ اگر مسلمانیت ہی اس سب کی جڑ ہوتی تو عامر خان، شاہ رخ خان، سلمان خان، سیف علی خان اور بے شمار خان بالی ووڈ کے بڑے ستارے نہ ہوتے۔ اگر فساد پاکستانیت کی وجہ سے ہوتا تو عمران خان، وسیم اکرم، شعیب اختر اور وقار یونس کے بھارت میں لاکھوں مداح نہ ہوتے۔

مسئلہ احساس کمتری ہے یا کچھ اور فیصلہ آپ خود کیجیے۔۔


Comments

'ہم سب' کا کمنٹس سے متفق ہونا ضروری نہیں ہے۔ کمنٹ کرنے والا فرد اپنے الفاظ کا مکمل طور پر ذمہ دار ہے اور اس کے کمنٹس کا 'ہم سب' کی انتظامیہ سے کوئی تعلق نہیں ہے۔

2 thoughts on “ماورا حسین یا ماورا ہوکین؟

  • 06-02-2017 at 8:44 pm
    Permalink

    She herself has changed the spellings of Hussain to Huccain just to bring uniqueness. Kindly read before writing. Not fault of google.

  • 18-02-2017 at 10:40 pm
    Permalink

    It’s absolutely a fashionable symbol to change the name spellings to make it look different , if you type Hussain there’ll be millions on google but if you type Hocaain it’ll be Mawra, it’s good in sense to be different but it’s shameful to change Muslims names to make it meaningless.

Comments are closed.