ڈاکٹر شاہد مسعود کا میڈیا چھوڑنے کا فیصلہ واپس: نیوز ون جوائن کرلیا


\"\"سینئر تجزیہ کار ڈاکٹر شاہد مسعود نے میڈیا کو خیر باد کہنے کا فیصلہ واپس لیتے ہوئے ایک بار پھر سے نجی ٹی وی چینل ’نیوز ون ‘ جوائن کرلیا ہے۔

گزشتہ جمعرات کو ڈاکٹر شاہد مسعود نے ایک ویڈیو پیغام میں میڈیا انڈسٹری کو خیر باد کہنے کا اعلان کیا تھا لیکن اب انہوں نے میڈیا انڈسٹری کو خیر باد کہنے کا فیصلہ واپس لے لیا اور دوبارہ نیوز ون جوائن کرلیا ہے۔ واضح رہے کہ ڈاکٹر شاہد مسعود بول اور اے آر وائے سے پہلے نیوز ون میں کام کرتے تھے۔

نیوز ون جوائن کرنے کے بعد اسی چینل کے ایک پروگرام میں انٹرویو دیتے ہوئے ڈاکٹر شاہد مسعود کا کہنا تھا کہ سوشل میڈیا پر جب سے ویڈیو شیئر کی ہے اس کے بعد گھر سے نہیں نکلا۔ میری خوش قسمتی ہے کہ لوگ میرے لیے دعا گو ہیں۔ میں جہاں بھی گیا نظریہ پاکستان کو زندہ رکھا اور مجھے فخر ہے کہ میں نے اپنے نظریے کے ساتھ سمجھوتہ نہیں کیا۔ لوگ ہمیشہ پاکستان کے خلاف بات کرتے رہتے ہیں لیکن میں سرینڈر کرنے والا انسان نہیں ہوں۔ میں نے کبھی ہمت نہیں ہاری۔ میڈیا انڈسٹری کو نہیں چھوڑ رہا میں اپنا فیصلہ واپس لیتا ہوں۔

انہوں نے کہا کہ لوگ میڈیا کو رول ماڈل کے طور پر دیکھتے ہیں ، میڈیا کا رول کیا ہونا چاہیے تھا لیکن وہ کر کیا رہا ہے، کتنے لوگ مر رہے ہیں ، میڈیا نے اس صورتحال میں کیا کردار ادا کیا؟ میڈیا کو معاشرے میں جو کردار ادا کرنا چاہیے تھا، وہ نہیں ہوا۔ میڈیا کے لوگوں کو پیسوں کے لئے نہیں بلکہ ملک کے لئے کام کرنا ہے۔

اسی بارے میں: ۔  بھارتی مقبوضہ کشمیر میں برہان وانی کے ساتھی سمیت 11 کشمیری نوجوان شہید

Comments

'ہم سب' کا کمنٹس سے متفق ہونا ضروری نہیں ہے۔ کمنٹ کرنے والا فرد اپنے الفاظ کا مکمل طور پر ذمہ دار ہے اور اس کے کمنٹس کا 'ہم سب' کی انتظامیہ سے کوئی تعلق نہیں ہے۔