اگڑم بگڑم


 اگڑم: ’’آپ کی فوج کیا کرتی ہے؟‘‘

بگڑم: ’’ہماری فوج اندرون ملک دہشت گردوں سے لڑتی ہے۔‘‘

اگڑم: ’’اور؟‘‘

بگڑم: ’’اور اندرون ملک علیحدگی پسندوں کو ٹھکانے لگاتی ہے۔‘‘

اگڑم: ’’اور؟‘‘

بگڑم: ’’اور اندرون ملک غداروں کو گرفتار کرتی ہے۔‘‘

اگڑم: ’’اور؟‘‘

بگڑم: ’’اور اندرون ملک بیرونی ایجنٹوں پر نظر رکھتی ہے۔‘‘

اگڑم: ’’اور؟‘‘

بگڑم: ’’اور عدالتیں قائم کرکے مجرموں کو سزا سناتی ہے۔‘‘

اگڑم: ’’اور؟‘‘

بگڑم: ’’اور غیر ملکی سفارت کاروں سے جواب طلب کرتی ہے۔‘‘

اگڑم: ’’اور؟‘‘

بگڑم: ’’اور جمہوری حکومت ناکام ہوجائے تو حقیقی جمہوری حکومت قائم کرتی ہے۔‘‘

اگڑم: ’’اور؟‘‘

بگڑم: ’’اور بھی بہت کچھ کرتی ہے۔ تم بتاؤ، تمھاری فوج کیا کرتی ہے؟‘‘

اگڑم: ’’ہماری فوج صرف سرحدوں کی حفاظت کرتی ہے۔‘‘

مبشر علی زیدی

Facebook Comments - Accept Cookies to Enable FB Comments (See Footer).

مبشر علی زیدی

مبشر علی زیدی جدید اردو نثر میں مختصر نویسی کے امام ہیں ۔ کتاب دوستی اور دوست نوازی کے لئے جانے جاتے ہیں۔ تحریر میں سلاست اور لہجے میں شائستگی۔۔۔ مبشر علی زیدی نے نعرے کے عہد میں صحافت کی آبرو بڑھانے کا بیڑا اٹھایا ہے۔

mubashar-zaidi has 194 posts and counting.See all posts by mubashar-zaidi

Subscribe
Notify of
guest
0 Comments (Email address is not required)
Inline Feedbacks
View all comments