ایکشن فلم میں کام کرنا چاہتی ہوں : تبو


tabu (500x286)بولی وڈ کی معروف اداکارہ تبو اپنے کیرئیر میں مختلف کردار کرنے کو ترجیح دیتی ہیں اور اب انہوں نے ایک ایکشن فلم میں کام کرنے کی خواہش ظاہر کی ہے۔
انڈین ایکسپریس کی ایک رپورٹ کے مطابق تبو کا ایک انٹرویو کے دوران کہنا تھا ’میں اب ایک ایکشن فلم میں کام کرنا چاہتی ہوں، ایک تفریحی ایکشن فلم، فی الحال مجھے کوئی اچھی سکرپٹ نہیں ملی جس میں کافی زیادہ ایکشن سینز ہوں۔ مجھے امید ہے میں کچھ مختلف کر سکوں گی‘۔
جہاں آج کل فلموں کی کہانیوں پر زیادہ زور دیا جارہا ہے وہیں تبو کی اس حوالے سے کچھ مختلف رائے ہے۔ان کا کہنا تھا ’کسی بھی فلم کے لیے کہانی کے ساتھ ساتھ اور بھی بہت کچھ ضروری ہے۔ جیسے ہدایت کار کو اپنا کام بہترین انداز میں کرنا چاہیے، آج کل فلموں کی کہانی بہت زیادہ لمبی بنائی جاتی ہے، لیکن یہ بھی ضروری ہے کہ اس کہانی کو اداکار بخوبی انداز میں ادا کریں‘۔
اداکارہ تبو کی فلم ’فتور‘ سنیما گھروں میں ریلیز کی گئی ہے جسے شائقین کا ملا جلا ردعمل موصول ہورہا ہے۔
ابھیشیک کپور کی ہدایات میں بنی فلم ’فتور‘ میں تبو کے ساتھ ساتھ کترینہ کیف اور ادیتیہ رائے کپور نے اہم کردار ادا کیا ہے۔


Comments

FB Login Required - comments