دہشت گردی کے خاتمے کیلیے حکومت کی نیت پر شک ہے، فاروق ستار


پارلیمانی رہنماؤں کے اجلاس کے بعد میڈیا سے بات کرتے ہوئے ایم کیو ایم پاکستان کے سربراہ فاروق ستار نے کہا کہ ایم کیو ایم نے 2 سال قبل بھی تحفظات کے باوجود وزیراعظم کی حمایت کے بعد فوجی عدالتوں کے بل کی حمایت کی تھی، نیشنل ایکشن پلان پر بھی چند نکات کے علاوہ عمل نہیں ہوا جب کہ حکومت نے عدالتیں بہتر بنانے کےلیے بھی کچھ نہیں کیا،عدالتی نظام بہتر بنانا وزیراعظم کی ترجیحات میں ہے ہی نہیں۔ انہوں نے کہا کہ افسوس کے ساتھ کہنا پڑتا ہے کہ وفاقی و صوبائی حکومتیں دہشت گردی کے خاتمے میں سنجیدہ نہیں،ہمیں حکومت کی نیت پر شک ہے۔ سیاسی جماعتیں کب تک حکومت کی خامیوں پر پردہ ڈالیں گی لہذا ہم اب وزیراعظم کے سامنے اپنے تحفظات رکھنا چاہتے ہیں۔

فاروق ستار نے کہا کہ فوج میں تاثر پایا جارہا ہے کہ ردالفساد میں تنہا کھڑی ہے، ضرب عضب ہو یا ردالفساد حکومت فوج کے ساتھ نہیں اور اگر عوام کومتحد نہ کیا گیا تو آپریشن ’ردالفساد‘ کامیاب نہیں ہوگا۔

image_pdfimage_print

Comments - User is solely responsible for his/her words

اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں