استنبول میں سیاحتی مقام پر دھماکہ : 10ہلاک


\"turky\"

 ترکی کے شہر استنبول کے مرکزی سیاحتی مقام سلطان احمد اسکوائر پر دھماکے کے نتیجے میں ہلاک ہونے والے افراد کی تعداد 10 ہو گئی جبکہ 15 افراد زخمی ہوئے ہیں۔۔ فرانسیسی خبر رساں ادارے کے مطابق دھماکے کے بعد امدادی ٹیمیں اور پولیس جائے وقوعہ کی طرف روانہ ہوگئیں جبکہ علاقے کو سیل کردیا گیا۔ ترکی کی ڈوگن نیوز ایجنسی نے عینی شاہدین کے حوالے سے بتایا ہے کہ دھماکا انتہائی زوردار تھا، جس کی آواز قریبی علاقوں میں بھی سنی گئی.سرکاری ٹیلی ویژن ٹی آر ٹی کے مطابق دھماکا خود کش تھا تاہم حکام کی جانب سے اس کی تصدیق نہیں کی گئی.سلطان احمد اسکوائر ستنبول کا مرکزی سیاحتی مقام ہے جہاں ٹوپ کپی پیلس اور نیلی مسجد (Blue Mosque) بھی واقع ہے.گذشتہ برس بھی ترکی میں 2 بڑے دھماکے ہوئے تھے۔


Comments

'ہم سب' کا کمنٹس سے متفق ہونا ضروری نہیں ہے۔ کمنٹ کرنے والا فرد اپنے الفاظ کا مکمل طور پر ذمہ دار ہے اور اس کے کمنٹس کا 'ہم سب' کی انتظامیہ سے کوئی تعلق نہیں ہے۔

اسی بارے میں: ۔  چین نے سی پیک پر اقوام متحدہ کی رپورٹ مسترد کر دی