ہریتک روشن سے سرد جنگ: کنگنا فلم سے آﺅٹ


\"haritak\"بالی ووڈ میں اپنے کردار میں حقیقت کا رنگ بھرنے کے حوالے سے مشہور اداکارہ کنگنا رناوت کو ایکشن ہیرو ہریتک روشن سے سرد جنگ مہنگی پڑ گئی ہے جس کے بعد انہیں فلم سے ہاتھ دھونے پڑگئے ہیں۔
بالی ووڈ اداکار ہریتک روشن اور کنگنا رناوت کے درمیان معاشقے کی خبریں طویل عرصہ زبان زد عام رہی ہیں جس پر دونوں اداکاروں نے خاموشی اختیار کررکھی تھی جب کہ گزشتہ دنوں ایک تقریب میں اداکارہ کی جانب سے ہریتک روشن کو سابقہ محبوب قرار دیئے جانے کے بعد دونوں کے درمیان لفظی گولہ باری کا سلسلہ شروع ہوگیا تھا تاہم اب اداکارہ کنگنا کو ایکشن ہیرو سے پنگا لینا مہنگا پڑ گیا ہے۔
میڈیا رپورٹس کے مطابق پروڈیوسر ساجد ناڈیاڈ والا اپنی نئی آنے والی فلم میں اداکار ہریتک روشن کے مدمقابل کنگنا رناوت کو کاسٹ کرنا چاہتے تھا جس کے لیے اداکارہ نے حامی بھی بھرلی تھی تاہم ہریتک روشن کے کنگنا کے ساتھ فلم میں کام سے انکار کے بعد انہیں فلم کی کاسٹ سے علیحدہ کرلیا ہے جس کے بعد اب اداکارہ دپیکا پڈوکون کو فلم میں کام کرنے کی پیشکش کی گئی ہے۔
واضح رہے کہ ہریتھک روشن اپنی نئی آنے والی فلم”موہن جودڑو“اور اداکارہ دپیکا پڈوکون امریکہ میں ہالی ووڈ فلم کی شوٹنگ میں مصروف ہیں۔


Comments

'ہم سب' کا کمنٹس سے متفق ہونا ضرور نہیں ہے۔ کمنٹ کرنے والا فرد اپنے الفاظ کا مکمل طور پر ذمہ دار ہے اور اس کے کمنٹس کا 'ہم سب' کی انتظامیہ سے کوئی تعلق نہیں ہے۔