اقتصادی راہداری منصوبے کی حفاظت کے لیے پاک فوج پرعزم ہے: آرمی چیف
![\"gen](\"http://humsub.com.pk/wp-content/uploads/2016/02/gen-raheel-3-300x225.jpg\")
پاک فوج کے سربراہ جنرل راحیل شریف کا کہنا ہے کہ اقتصادی راہداری منصوبہ عوام کی زندگی بدلنے کی صلاحیت رکھتا ہے جب کہ پاک فوج راہداری منصوبے کی تکمیل کے لیے ہر قیمت ادا کرنے کو تیار ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف نے سی پیک سپیشل سکیورٹی ڈویژن ہیڈکوارٹرزکا دورہ کیا جہاں لیفٹیننٹ جنرل ملک ظفراقبال اور میجرجنرل عابد رفیق نے ان کا استقبال کیا۔ آرمی چیف کو نئی فورس کے قیام اور پاک چین اقتصادی راہداری کے سکیورٹی معاملات پر بریفنگ بھی دی گئی۔
آئی ایس پی آرکے مطابق آرمی چیف جنرل راحیل شریف نے راہداری منصوبے پر بریفنگ کے دوران کہا کہ پاک فوج سی پیک منصوبوں کی حفاظت کے لئے پرعزم ہے، ترقیاتی منصوبوں کی تکمیل کے لئے پرامن ماحول فراہم کرنا ناگزیرہے اور اقتصادی راہداری منصوبے عوام کی زندگی بدلنے کی صلاحیت رکھتے ہیں۔
آرمی چیف نے کہا کہ راہداری منصوبے کے خلاف چلائی جانے والی تمام مہمات سے آگاہ ہیں، مسلح افواج دیرینہ خواب کو حقیقت میں بدلنے کے لئے ہر قیمت ادا کرنے کو تیار ہے، قانون نافذ کرنے والے اداروں، سٹیک ہولڈرز سے مل کرمنصوبے کی تکمیل کے اقدامات کیے جائیں جب کہ سی پیک منصوبوں پر کام کرنے والوں کو مکمل سکیورٹی فراہم کی جائے گی۔
Facebook Comments - Accept Cookies to Enable FB Comments (See Footer).