آپریشن رد الفساد سے تمام فسادیوں کا خاتمہ کریں گے، سربراہ پاک فوج
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے ملتان گیریژن کا دورہ کیا جہاں انہیں فوج کی آپریشنل تیاریوں پربریفنگ دی گئی جب کہ آرمی چیف نے مظفرگڑھ فیلڈ فائرنگ رینج میں فوجی دستوں کی تربیتی مشق کا بھی جائزہ لیا اور مردم شماری سپورٹ پلان سے متعلق فوجیوں کی تربیت کا معائنہ کیا۔
آئی ایس پی آر کے مطابق پاک فوج کے سربراہ نے فوجی دستوں کے روایتی اور غیر روایتی آپریشنز کے شاندار تربیتی معیار کو سراہتے ہوئے کہا کہ اپنے حربی تجربے کی بدولت پاک فوج کا کوئی ثانی نہیں جب کہ آپریشن رد الفساد سے تمام فسادیوں کا خاتمہ کریں گے۔ انہوں نے کہا کہ مردم شماری اہم قومی سرگرمی ہے جس کے لیے پاک فوج مکمل تعاون فراہم کرے گی۔
Latest posts by ویب ڈیسک (see all)
Facebook Comments - Accept Cookies to Enable FB Comments (See Footer).