فلم بین صاف ستھری تفریح چاہتے ہیں : صنم سعید

ماڈل واداکارہ صنم سعید کی فلمی مصروفیات بھی بڑھ گئیں ، 26فروری کو ان کی ڈیبیو فلم ”بچانا“ ریلیز ہورہی ہے جس میں ان کے مقابل محب مرزا نے مرکزی کردار جبکہ عدیل ہاشمی نے مہمان اداکار ہیں۔اس کے علاوہ فہد مصطفی کے ساتھ ”ماہ میر“ پوسٹ پروڈکشن کے آخری مراحل میں ہے یہ بھی اسی سال سینماو¿ں کی زینت بن جائے گی۔ دیگر فلموں میں مہرین جبار کی ”دوبارہ پھر سے “ اور ”رحیم “ زیرتکمیل ہیں۔
”رحیم“ شیکسپیئر کے مقبول مزاحیہ ڈرامہ ”میڑر فور میڑر“ پر بنائی جارہی ہے۔ شیکسپیئر کے ڈرامہ پر بنائی جا نے والی پہلی پاکستانی فلم ہے جس کو محمود جمال نے پروڈیوس کرنے کے ساتھ اس کا سکرپٹ بھی خود ہی لکھا ہے۔صنم سعید نے میڈیا سے گفتگو کرتے ہوئے کہا ہے کہ وہی پروڈیوسر اور ڈائریکٹر باکس آفس پر کامیابی حاصل کرے گا ، جو فلم بینوں کو ذہن میں رکھ فلم بنائے گا۔
صنم سعید کا کہنا تھا کہ فلم دیکھنے والے کمرشل اور آرٹ کے چکر میں پڑنے کے بجائے صاف ستھری تفریح چاہتے ہیں۔ اچھے سنی پلیکس سینما کے بننے سے فیملیوں کا رحجان بڑھا ہے ، جس سے فلم میں سرمایہ کاری کرنے والوں نے دوبارہ سے دلچسپی لینے لگے ہیں۔انہوں نے کہا کہ ”بچانا“ اور ”ماہ میر“ سمیت تمام فلموں میں ایک دوسرے سے مختلف اور چیلنجنگ کردار کر رہی ہوں۔
”بچانا“ رومانٹک تھرل فلم ہوگی جس کے ٹریلر کو بے حد پسند کیا جارہا ہے۔ایک سوال کے جواب میں صنم سعید نے کہا کہ ہم نے تو اپنی طرف سے بھرپور محنت کی ہے مگر اس کا فیصلہ فلم بین کریں گے کہ ہم ان کی توقعات پر کہاں تک اترے ہیں۔فلم کی تشہیری مہم بھی زوروشور سے جاری ہے،کیونکہ موجودہ دور میں مارکیٹنگ کیے بغیر اچھے نتائج حاصل کرنا مشکل ہوگیا ہے۔

• About
• Latest Posts

نیوز ڈیسک

Latest posts by نیوز ڈیسک (see all)

• خواتین کا عالمی دن: سوئس سفارتخانے میں پاکستانی دستاویزی فلم کی نمائش - 17/03/2024
• عمران خان کے مقابلے میں شہباز شریف کے دور میں کرپشن کم ہوئی: ٹرانسپیرنسی انٹرنیشنل - 30/01/2024
• مجھے فیصلے کا پہلے سے علم تھا: سائفر کیس پر عمران خان کا پیغام - 30/01/2024