پیپلزپارٹی نے لاہور کو انتخابی مہم کا مرکز بنانے کا فیصلہ کرلیا
پیپلزپارٹی کےشریک چیئرمین آصف علی زرداری کی زیرصدارت پارلیمانی پارٹی کا اہم اجلاس لاہور میں ہوا جس میں آئندہ الیکشن بھرپور طریقے سے لڑنے کا فیصلہ کیا گیا جب کہ اجلاس کے دوران یہ بھی فیصلہ ہوا کہ لاہور کو انتخابی مہم کا مرکز بنایا جائے گا۔
پارٹی اجلاس سے خطاب کرتے ہوئے آصف علی زرداری کا کہنا تھا پنجاب میں آکر بیٹھ گئے ہیں اور جس وقت کا انتظار تھا وہ آگیا ہے، پچھلا الیکشن ہمیں لڑنے نہیں دیا گیا تاہم آئندہ انتخاب بھرپور انداز سے لڑیں گے۔ انہوں نے کہا کہ انتخابی مہم میں لاہور کو مرکز بنائیں گے اور سیاسی مخالفین کو بتائیں گے الیکشن کیسے لڑا جاتا ہے جب کہ انہوں نے کارکنوں کو عوام سے رابطے کی بھی ہدایت کی۔
Latest posts by ویب ڈیسک (see all)
Facebook Comments - Accept Cookies to Enable FB Comments (See Footer).