اورکزئی میں جھڑپ کے دوران میجر اور سپاہی شہید، 5 دہشت گرد بھی مارے گئے
پاک فوج کے شعبہ تعلقات عامہ کے مطابق ملک بھر میں آپریشن رد الفساد کامیابی سے جاری ہے، لوئر اورکزئی کے علاقے عثمان خیل میں سیکیورٹی فورسز کی جانب سے معمول کا سرچ آپریشن کیا جا رہا تھا کہ اس دوران دہشت گردوں نے فورسز پر فائرنگ کر دی، دہشت گردوں کے ساتھ مقابلے میں پاک فوج کے میجر مدثر اور سپاہی مطیع اللہ شہید ہو ئے جب کہ مقابلے میں 5 انتہائی مطلوب دہشت گرد بھی مارے گئے۔
آئی ایس پی آر کے مطابق سیکیورٹی فورسز کے ساتھ مقابلے میں کالعدم تنظیم کے کمانڈر شاہ دوران سمیت 5 دہشت گرد ہلاک ہوئے، شاہ دوران کو نوروز کی تقریبات پر حملے کے لئے افغانستان سے بھیجا گیا تھا۔ اس کے علاوہ دہشت گردوں کے قبضے سے بھاری مقدار میں اسلحہ بھی برآمد ہوا جب کہ سیکیورٹی فورسز نے علاقے کا محاصرہ کر کے سرچ آپریشن شروع کر رکھا ہے۔
Latest posts by ویب ڈیسک (see all)
Facebook Comments - Accept Cookies to Enable FB Comments (See Footer).