بھارتی ریاست چھتیس گڑھ میں باغیوں کا حملہ، 26 اہلکار ہلاک


بھارتی میڈیا رپورٹس کے مطابق ریاست چھتیس گڑھ کے شورش زدہ علاقے سکما میں ماؤ نواز باغیوں کے حملے میں بھارت کی سینٹرل ریزرو پولیس فورس کے 26 جوان ہلاک اور 6 شدید زخمی ہوگئے۔ پولیس کے مطابق اہلکار ایک زیر تعمیر سڑک کی سیکیورٹی پر مامور تھے کہ اس دوران ماؤ نواز باغیوں نے ان پر اندھا دھند فائرنگ کردی۔

دوسری جانب حملے میں زخمی ہونے والے اہلکار نے بھارتی میڈیا سے بات کرتے ہوئے کہا کہ باغیوں نے پہلے ہماری جگہ کی نشاندہی کے لیے کچھ لوگ بھیجے اور پھر تقریباً 300 باغیوں نے ہم پر حملہ کردیا جب کہ ہماری جوابی فائرنگ سے کئی باغی بھی مارے گئے ہیں۔

واضح رہے بھارتی ریاست چھتیس گڑھ میں ماؤ نواز باغی سرگرم ہیں اور وہ آئے دن حکومت اور سیکیورٹی فورسز کے خلاف کارروائیاں کرتے رہتے ہیں۔


Facebook Comments - Accept Cookies to Enable FB Comments (See Footer).