وزیر اعظم نواز شریف نے اسحاق ڈار اور چودھری نثار کو لاہور طلب کر لیا
وزیر اعظم نواز شریف کی زیر صدارت ن لیگ کے سینئر رہنماؤں کا اہم اجلاس ہو گا۔ وزیر اعظم نے وزیر خزانہ اسحاق ڈار اور وزیر داخلہ چودھری نثار کو لاہور طلب کر لیا ہے۔
ذرائع کے مطابق وزیراعظم کی سربراہی میں ہونے والے اجلاس میں ڈان لیکس سے متعلق امور اور ملکی سیاسی صورتحال پر غور کیا جائے گا۔ ذرائع کا کہنا ہے کہ اجلاس میں پی ٹی آئی چیئرمین عمران خان کی جانب سے 10ارب کی پیشکش سے متعلق بیان بھی زیر غور آنے کا امکان ہے۔
اجلاس میں شرکت کیلئے اسحاق ڈار اور چودھری نثار خصوصی طیارے سے لاہورروانہ ہو گئے ہیں۔ دوسری جانب وزیراعلیٰ پنجاب شہباز شریف نے جاتی امرا میں وزیراعظم نواز شریف سے ملاقات کی ہے جس میں ملکی سیاسی صورتحال پر تبادلہ خیال کیا گیا۔
Latest posts by نیوز ڈیسک (see all)
Facebook Comments - Accept Cookies to Enable FB Comments (See Footer).