فوج کے پاس ڈان لیکس میں مریم نواز کے ملوث ہونے کا ثبوت نہیں: سینئر صحافی کا انکشاف


 سینئر صحافی چوہدری غلام حسین کا کہنا ہے کہ عمران خان کے استفسار پر آرمی چیف نے جواب دیا تھا کہ فوج کے پاس ڈان لیکس میںمریم نواز کے ملوث ہونے کا کوئی ثبوت نہیں ہے۔ تفصیلات کے مطابق سینئیر صحافی غلام حسین نے نجی ٹی وی چینل کے پروگرام سے گفتگو کرتے ہوئے بتایا ہے کہ تحریک انصاف کے سربراہ عمران خان نے کچھ عرصہ قبل آرمی چیف جنرل قمر باجوہ سے ملاقات میں ڈان لیکس کے حوالے سے گفتگو کی تھی۔

عمران خان نے آرمی چیف سے ڈان لیکس معاملے میں مریم نواز کے ملوث ہونے کا سوال کیا تھا۔ عمران خان کے سوال پر آرمی چیف نے جواب دیا تھا کہ فوج کے پاس ڈان لیکس میں مریم نواز کے ملوث ہونے کا کوئی ثبوت نہیں ہے۔

واضح رہے کہ سینیئر صحافی چوہدری غلام حسین مسلم لیگ نواز کے سخت مخالف شمار کئے جاتے ہیں اور انہیں حکومت مخالف مہم جوئی کا اہم کردار سمجھا جاتا ہے۔


Facebook Comments - Accept Cookies to Enable FB Comments (See Footer).