جلال آباد میں سرکاری ٹی وی سٹیشن پر حملہ: چار حملہ آوروں سمیت 10 افراد ہلاک
افغانستان کے مشرقی شہر جلال آباد میں سرکاری ٹیلی وژن کی عمارت پر شدت پسندوں کے حملے میں چھ افراد ہلاک ہوگئے ہیں جبکہ شدت پسند تنظیم دولت اسلامیہ کے چاروں حملہ آور بھی مارے گئے ہیں۔ حملے میں ہلاک ہونے والے چار افراد کا تعلق سرکاری ٹیلی وژن چینل آر ٹی اے سے ہے جبکہ دو پولیس اہلکار بھی حملے کے دوران ہونے والی لڑائی میں مارے گئے۔
حکام کے مطابق چار حملہ آور سرکاری ٹیلی وژن کی عمارت کے اندر داخل ہوئے جن میں سے دو خود کش حملہ آوروں نے خود کو دھماکے سے اڑا لیا جبکہ دو حملہ آوروں اور پولیس کے درمیان تقریباً چار گھنٹوں تک شدید فائرنگ کا تبادلہ ہوتا رہا۔
اپنے آپ کو دولت اسلامیہ کہلانے والی شدت پسند تنظیم نے حملے کی ذمہ داری قبول کی ہے۔ ٹیلی وژن سٹیشن کے سربراہ سمیت کم از کم بارہ ملازمین کو بحفاظت باہر نکال لیا گیا تھا تاہم دیگر لوگ اندر ہی محصور ہو کے رہ گئے تھے۔
- جمیلہ علم الہدیٰ: مشکل وقت میں شوہر کے ہمراہ ’گھریلو اخراجات اٹھانے والی‘ ایرانی صدر کی اہلیہ کون ہیں؟ - 23/04/2024
- ’مایوس‘ والدہ کی چیٹ روم میں اپیل جس نے اُن کی پانچ سالہ بیٹی کی جان بچائی - 23/04/2024
- مبینہ امریکی دباؤ یا عقلمندانہ فیصلہ: صدر ابراہیم رئیسی کے دورہ پاکستان کے دوران ’ایران، پاکستان گیس پائپ لائن‘ منصوبے کا تذکرہ کیوں نہیں ہوا؟ - 23/04/2024
Facebook Comments - Accept Cookies to Enable FB Comments (See Footer).