اسرائیلی فوج نے چار مبینہ حملہ آورفلسطینی نوجوان ہلاک کر دیے


\"israel\"اسرائیلی فوج نے کہا ہے کہ غربِ اردن میں اسرائیلی فوجیوں پر حملہ کرنے کی کوشش کرنے والے چار فلسطینی نوجوانوں کو ہلاک کر دیا گیا ہے۔ چاروں حملہ آوروں کو دو مختلف واقعات میں ہلاک کیا گیا ہے۔
فلسطینی حکام نے بھی ان ہلاکتوں کی تصدیق کی ہے تاہم ان حملوں میں کسی اسرائیلی فوجی کے زخمی ہونے کی کوئی اطلاع نہیں ملی ۔
گزشتہ مہینوں میں اسرائیل اور فلسطینیوں کے درمیان کشیدگی میں اضافہ دیکھنے میں آیا ہے۔
اسرائیلی فوج نے ایک بیان میں کہا ہے کہ ’چاقوو¿ں ے لیس تین حملہ آوروں نے پہرہ دینے والے فوجیوں پر حملہ کرنے کی کوشش کی تھی۔ اس واقعے کے فوری بعد بیت الخلیل کے نزدیک ایک اور فلسطینی شہری نے اسرائیلی فوج پر حملہ کرنے کی کوشش کی جس میں وہ خود مارا گیا۔‘
فلسطینی میڈیا کے مطابق ہلاک ہونے والے حملہ آوروں کی عمریں 20 سے 22 سال کے درمیان تھیں۔
گذشتہ سال اکتوبر سے اب تک فلسطینیوں کی جانب سے چاقووں کے حملے، گاڑی کی ٹکر اور فائرنگ کے نتیجے میں 22 اسرائیلی شہری ہلاک ہوئے ہیں جبکہ اسی دوران اسرائیلی فوجیوں کے ہاتھوں 140 فلسطینی شہری مارے گئے ہیں۔
یاد رہے کہ امریکہ نے اسرائیل اور فلسطین کے درمیان بڑھتے ہوئے تناو پر تشویش کا اظہار کرتے ہوئے دونوں سے کہا ہے کہ مذاکرات کا سلسلہ بحال کر کے مسائل حل کیے جائیں۔


Comments

'ہم سب' کا کمنٹس سے متفق ہونا ضرور نہیں ہے۔ کمنٹ کرنے والا فرد اپنے الفاظ کا مکمل طور پر ذمہ دار ہے اور اس کے کمنٹس کا 'ہم سب' کی انتظامیہ سے کوئی تعلق نہیں ہے۔