خواتین بل میں کوئی شق غیر اسلامی ہے تو غور کیا جائے گا: رانا ثنااللہ

وزیرقانون پنجاب رانا ثنااللہ نے کہا ہے کہ تحفظ خواتین بل میں اگر کوئی شق اسلام کیخلاف ہے تو اس پر غور کریں گے، اگر یہ بل پہلے موجود ہوتا تو عمران خان کو بھی کڑا لگ سکتا تھا۔
فیصل آباد میں جامع مسجد مدنی میں مدرسہ کی افتتاحی تقریب میں شرکت کے بعد میڈیا سے گفتگو کرتے ہوئے رانا ثناءاللہ نے کہا کہ نیب ذمہ داری سے اپنا کام کرے تاکہ دیانتدار لوگ تحفظ کا احساس ہو۔ہمارا مقصد نیب کی کارروائیوں کو آگے بڑھانا ہے۔
رانا ثنااللہ کا کہنا تھا کہ مصطفی کمال کی پریس کانفرنس پر چوہدری نثار نے تفصیل سے بات کی ہے۔ اس طرح کی کوششوں سے سیاسی جماعتوں کو کوئی فرق نہیں پڑتا۔
تحفظ خواتین بل کے حوالے سے ان کا کہنا تھا کہ بل کے ذریعہ خواتین کو تحفظ اور لیگل ایڈ دی جائے گی۔ اگر کوئی شق غیر اسلامی ہے تو اس پر غور کیا جائے گا۔ ان کا کہنا تھا کہ اگر یہ بل پہلے سے موجود ہوتا تو عمران خان کو بھی کڑا لگ سکتا تھا۔

• About
• Latest Posts

نیوز ڈیسک

Latest posts by نیوز ڈیسک (see all)

• خواتین کا عالمی دن: سوئس سفارتخانے میں پاکستانی دستاویزی فلم کی نمائش - 17/03/2024
• عمران خان کے مقابلے میں شہباز شریف کے دور میں کرپشن کم ہوئی: ٹرانسپیرنسی انٹرنیشنل - 30/01/2024
• مجھے فیصلے کا پہلے سے علم تھا: سائفر کیس پر عمران خان کا پیغام - 30/01/2024