جہانگیر ترین اور علیم خان کے گارڈز نے تحریک انصاف کے کارکن پیٹ ڈالے۔ متعدد زخمی
پاکستان تحریک انصاف لاہور کے مرکزی دفتر میں سینئر رہنماؤں کے سیکورٹی گارڈز پارٹی کے کارکنوں سے الجھ پڑے۔ جھگڑے میں کچھ کارکن زخمی ہو گئے۔ بتایا گیا ہے کہ عمران خان نے لاہور کے حلقہ این اے 120 میں ضمنی انتخاب کے معاملات پر بات چیت کے لئے کارکنوں کو بلا رکھا تھا۔عمران خان اور دوسرے رہنماؤں کی آمد کے بعد کارکنوں نے اجلاس میں گھسنے کی کوشش کی تو پاکستان تحریک انصاف کے رہنماؤں جہانگیر ترین اور علیم خان کے سیکورٹی گارڈز نے انہیں روکنے کی کوشش کی۔ جس پر تصاد م ہو گیا۔ جھگڑے میں کئی کارکن زخمی ہوئے۔
تحریک انصاف کے چیئرمین سیکریٹریٹ میں کارکن عمران خان کے ساتھ کمرے میں گھسنا چاہتے تھے کہ انہیں سیکیورٹی عملے نے تشدد کا نشانہ بنا ڈالا۔ لاہور میں پی ٹی آئی سیکریٹریٹ میں عمران خان اور دیگر رہنما اجلاس میں شرکت کے لئے پہنچے تھے کہ چند کارکنوں نے عمران خان کے ساتھ کمرے میں جانے کی کوشش کی تاہم سیکیورٹی گارڈز نے کارکنوں کو تشدد کا نشانہ بنا کر زخمی کردیا۔
زخمی ہونے والے کارکن عمر کے مطابق پی ٹی آئی چیرمین عمران خان نے این اے 120 کی الیکشن مہم کے حوالے سے کارکنان اور مقامی رہنماؤں کو طلب کیا تھا تاکہ الیکشن کے دوران ذمہ داریان دی جائیں۔ زخمی کارکن نے بتایا کہ ہم عمران خان کے ساتھ کمرے میں جانا چاہتے تھے لیکن علیم خان اور جہانگیر ترین کے ذاتی محافظوں نے ہمیں تشدد کا نشانہ بناڈالا۔ دوسری جانب پی ٹی آئی سیکیورٹی اسٹاف کا کہنا ہے کہ عمران خان کی سیکیورٹی کے پیش نظر کارکنان کو گیٹ پر روکا گیا تھا تاہم کارکنان نے زبردستی اندر داخلے کی کوشش کی جنہیں روکا گیا اور ہاتھا پائی میں کچھ افراد زخمی ہوئے ہیں۔
Facebook Comments - Accept Cookies to Enable FB Comments (See Footer).