ٹوائلٹ میں بہائے گئے ہزاروں یورو
سوئٹزرلینڈ کے پراسیکیوٹرز جینوا میں دسیوں ہزار یورو کے ٹوائلٹ میں فلش کر دیے جانے کے معاملے کی تفتیش کر رہے ہیں۔
پانچ سو یورو کے نوٹ یو بی ایس بینک اور اس کے پاس کے تین ریستورانوں کے ٹوائلٹس میں پائے گئے۔
اس سے ملحق پائپ لائنز کے پھنس جانے کے بعد اس کی مرمت اور صفائی پر مبینہ طور پر ہزاروں سوئس فرینک خرچ ہوئے ہیں۔
خیال رہے کہ یورو کے بڑے کرنسی نوٹ غیر قانونی سرگرمیوں کو فروغ دینے کے خدشے کے تحت سنہ 2018 میں واپس لیے جانے والے ہیں۔
بہر حال وہ قانونی ٹینڈر کے طور پر جائز رہے ہیں گے لیکن ان کے استعمال کے متعلق یورپی کمیشن کی تحقیقاتی رپورٹ کے بعد یورپیئن سینٹرل بینک اب ان کا چھپائی بند کر دے گا۔
سوئٹزرلینڈ میں نوٹ کو برباد کرنا جرم نہیں ہے لیکن استغاثہ نے کہا ہے کہ وہ اس غیر معمولی دریافت کے بعد ان حالات کی جانچ کر رہے ہیں جس کے تحت ایسا کیا گيا ہے۔
جنیوا کے دفتراستغاثہ سے ونسنٹ ڈیورنڈ نے بی بی سی کو بتایا: ’ہم یہ پتہ چلانے کی کوشش کر رہے ہیں کہ یہ نوٹ کہاں سے آئے اور کیا اس کے پس پشت کسی جرم کا ارتکاب تو نہیں ہوا۔‘
انھوں نے کہا کہ ’واضح طور پر یہ بہت حیران کن ہے۔‘
فرانسیسی زبان کے اخبار میں یہ بات سامنے آئی ہے کہ اس سلسلے میں ایک وکیل سے پوچھ گچھ کی گئی ہے لیکن ڈیورنڈ نے اس مقامی رپورٹ پر کسی تبصرے سے اجتناب کیا۔
- کینیڈا میں چار سو کلو خالص سونے اور لاکھوں ڈالر کی چوری کے کیس میں گرفتاریاں: ’منظم گروہ نے یہ سب نیٹ فلکس سیریز سٹائل میں کیا‘ - 20/04/2024
- انڈیا میں سول سروس کے امتحان میں کامیابی پانے والے مسلمان طلبہ: ’سخت محنت کا کوئی نعم البدل نہیں‘ - 20/04/2024
- ایرانی جوہری تنصیب اور ڈرون و بیلسٹک میزائل تیار کرنے والی فیکٹریوں کے مرکز اصفہان کی سٹریٹجک اہمیت کیا ہے؟ - 20/04/2024
Facebook Comments - Accept Cookies to Enable FB Comments (See Footer).