خواتین کو ہر شعبے میں مردوں کے برابر معاوضہ ملنا چاہیے: سوناکشی


\"sonakshi\"بولی وڈ اداکارہ سوناکشی سنہا کا ماننا ہے کہ خواتین کو صرف اداکاری میں ہی نہیں ہر شعبہ میں مردوں کے برابر سمجھنا چاہیے اور برابر ہی کا معاوضہ بھی ملنا چاہیے۔
ہندوستان ٹائمز کی ایک رپورٹ کے مطابق ایک تقریب کے دوران سوناکشی کا کہنا تھا ’آج کی خواتین اپنی رائے کا اظہار کرتی نظر آتی ہیں اور یہ تبدیلی صرف شوبز میں ہی نہیں ہر شعبہ میں ہونی چاہیے‘۔
سوناکشی کا مزید کہنا تھا ’چاہے کھیل کا میدان ہو، بزنس ہو، اداکاری ہو یا کوئی اور شعبہ خواتین کو ہر جگہ مردوں کے برابر معاوضہ ملنا چاہیے کیوں کہ یہ ان کا حق ہے‘۔
سوناکشی کا شوبز میں موجود اداکاراو¿ں کے کم معاوضے کے حوالے سے کہنا تھا ’مجھے امید ہے یہ فرق بہت جلد ختم ہوگا، عزت اور شہرت حاصل کرنے کے لیے یہ نہیں دیکھا جاتا کہ آپ مرد ہیں یا عورت، اگر شوبز میں مجھے اب کوئی فرق نظر آتا ہے تو وہ صرف معاوضہ دینے میں فرق ہے جو اب بھی موجود ہے‘۔
سوناکشی کا کہنا تھا کہ خواتین کو بااختیار بنانے کے لیے ابھی مزید بہتری کی ضرورت ہے، آج کل لوگ بہت کچھ جانتے ہیں اور وہ ان افراد کی شکر گزار ہیں جو خواتین کے حقوق کے لیے کھڑے ہوتے ہیں اور ان کو بااختیار بنانے کے لیے آواز اٹھاتے ہیں۔
سوناکشی ان دنوں اپنی فلم ‘آکیرہ‘، اور ’فورس 2‘ کی شوٹنگ میں مصروف ہیں۔

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں