مسلم ممالک کو دہشت گردی کے خلاف مل کر لڑنا ہو گا : وزیراعظم


nawaz sharifوزیر اعظم نواز شریف نے جکارتہ میں اقوام متحدہ کے دفتر کے قریب دھماکے کی شدید مذمت کرتے ہوئے کہا دہشت گردی کیخلاف مل کر لڑنا تمام مسلم ممالک کی ذمہ داری ہے۔
وزیر اعظم نے دھماکے کی شدید مذمت کی۔ وزیر اعظم نواز شریف نے دھماکوں میں قیمتی جانوں کے زیاں پر گہرے دکھ اور افسوس کا اظہار کرتے ہوئے کہا مشکل کی اس گھڑی میں انڈونیشیا کی حکومت اور عوام کے دکھ میں برابر کے شریک ہیں۔ دہشت گردی تمام مسلم ممالک کیلئے مشترکہ خطرہ ہے۔ ان کا مزید کہنا تھا دہشت گردی کیخلاف مل کر لڑنا تمام مسلم ممالک کی ذمہ داری ہے۔ پاکستان دنیا میں کسی بھی قسم کی دہشت گردی کیخلاف ہے۔ واضح رہے آج انڈونیشیا کے دارالحکومت جکارتہ میں اقوام متحدہ کے دفتر کے قریب یکے بعد دیگرے چھ دھماکے کیے گئے۔ دہشت گردوں نے پاکستان اور ترکی کے سفارتخانوں کو بھی نشانہ بنایا۔


Comments

FB Login Required - comments